Mike Tomlin, fyrrverandi aðalþjálfari Pittsburgh Steelers í NFL deildinni, hefur vakið mikla athygli eftir að hann sýndi í fyrsta sinn borg sem hann hefur byggt í Minecraft undanfarin 12 ár.
Mike kynntist Minecraft þegar hann fylgdist með sonum sínum spila leikinn. Hann segist ekki hafa haft næga færni til að keppa í tölvuleikjum en heillaðist af Creative Mode, þar sem leikmenn geta byggt nánast hvað sem þeim dettur í hug.
Upphaflega leit hann á Minecraft sem leið til að verja meiri tíma með sonum sínum. Þeir hættu síðar að spila leikinn en Mike hélt áfram að byggja borgina. Sonur hans Dino hvatti hann að lokum til að sýna verkefnið opinberlega.
Borgin er afar ítarleg og þar má meðal annars finna hótel, fjölbýlishús, lúxusíbúðir, verslanir og hafnaboltaleikvang.
Mike leggur mikla áherslu á smáatriðin og hefur meðal annars hannað lýsingu, svefnherbergi, baðherbergi og skipulag einstakra íbúða.
Fyrsta myndband hans um borgina sló í gegn á YouTube og hafði fengið um 1,5 milljón áhorf þegar Kotaku fjallaði um málið.
Mike sagði síðar í viðtali hjá Seth Meyers að Minecraft hefði reynst sér eins konar afslöppun og meðferð í gegnum árin.
Myndir: Skjáskot úr myndbandi
