Author: Chef-Jack

Dusty hafði betur gegn Þór í úrslitaleik Stórmeistaramóts Ljósleiðarans laugardaginn 23. maí og tryggði sér þar með titilinn eftir 3-2 sigur í BO5-seríu. Mikil stemning var í Next Level Gaming í Egilshöll þar sem leikurinn var sýndur í beinni útsendingu. Fyrsti leikur hófst klukkan 18:00 og ljóst var frá upphafi að hart yrði barist. Veto-ferlið í úrslitaleiknum var eftirfarandi: Þór bannaði Inferno og Dusty bannaði Vertigo. Þór valdi Anubis sem fyrsta kort og Dusty valdi Mirage. Þór valdi Nuke sem annað kort og Dusty valdi Overpass. Dust2 varð úrslitakortið ef til oddaleiks kæmi. Anubis var fyrsta kort kvöldsins og þar…

Verðlaunahátíðin Rafíþróttamaður ársins fór fram um helgina og þar voru kynntir sigurvegarar ársins 2026. Árið einkenndist af sterkum frammistöðum íslenskra keppenda bæði innanlands og á alþjóðavettvangi. Á verðlaunahátíðinni voru veitt verðlaun í flokkum Rafíþróttamanns ársins, Rafíþróttakonu ársins, Rafíþróttakarls ársins og Björtustu vonarinnar, auk Geita ársins í sex keppnisgreinum, að því er fram kemur í tilkynningu frá RÍSÍ. Titilinn Rafíþróttamaður ársins 2026 hlaut Finnbjörn Flosi Jónasson, sem keppir undir nafninu „Finnsi“. Finnbjörn hefur átt afar sterkt tímabil með liðinu Virtus.Pro í Marvel Rivals. Liðið hefur unnið fjölda sigra á árinu og í nóvember tryggði það sér sæti í úrslitum á heimsmeistaramótinu…

Nexus mun loka litlu verslun sinni í Kringlunni föstudaginn 29. maí. Þetta kemur fram í tilkynningu frá fyrirtækinu þar sem farið er yfir breytingarnar og starfsemina fram undan. Nexus hefur verið rekið frá árinu 1992 og verið staðsett á ýmsum stöðum í gegnum tíðina. Fyrst við Hlemm, síðar á Hverfisgötu og í Nóatúni, áður en starfsemin byggðist upp í Glæsibæ þar sem spilasalurinn og samfélagið í kringum verslunina hefur styrkst undanfarin ár. Fram kemur að lokun litlu búðarinnar í Kringlunni hafi engin áhrif á stórverslun Nexus í Glæsibæ. Þar segir að breytingin muni gera starfsfólki kleift að bjóða upp á…

Rafíþróttasamband Íslands hefur birt tilnefningar til Geita ársins 2026. Verðlaunin taka til árangurs í rafíþróttakeppnum innanlands á tímabilinu 2025 til 2026 og eru veitt í sex flokkum: Counter Strike, Dota 2, Fortnite, League of Legends, Overwatch og Rocket League. Þrír leikmenn hafa verið tilnefndir í hvern flokk fyrir framúrskarandi frammistöðu í sínum greinum. Úrslitin verða kynnt á morgun, föstudaginn 22. maí, á verðlaunahátíðinni Rafíþróttamaður ársins 2026 í Next Level Gaming. Viðburðurinn byrjar kl. 18:00 og verða dyrnar opnar öllum til að fagna með þeim sem hljóta viðurkenningar kvöldsins. Hér að neðan má sjá tilnefningarnar: GEIT ÁRSINS Í COUNTER STRIKE 2026…

Rafíþróttasamband Íslands, í samstarfi við Mílu, stendur fyrir fyrstu verðlaunahátíð rafíþrótta á Íslandi.  Viðburðurinn, Rafíþróttamaður ársins, fer fram föstudagskvöldið 22. maí kl. 18:00–20:00 í Next Level Gaming. Um er að ræða tímamót í íslenskum rafíþróttum og markar hátíðin upphaf að árlegri hefð þar sem framúrskarandi árangur í rafíþróttum á Íslandi fær formlega viðurkenningu. Ásamt því að krýna Rafíþróttamann ársins verða einnig veitt verðlaun til leikmanna sem hafa staðið sig sérstaklega vel á tímabilinu 2025/26 í helstu keppnisgreinum sambandsins. Viðburðurinn er opinn öllum og er ætlaður að sameina keppendur, aðstandendur, stuðningsfólk og áhugafólk um rafíþróttir. Verðlaun verða veitt fyrir eftirfarandi flokka:…

Íslandsmeistaramótinu í PUBG: Battlegrounds lauk um helgina eftir harða og spennandi keppni þar sem bestu lið landsins börðust um titilinn. Mótið markaði lokahnykk deildarkeppni GameTíví sem fór fram í vetur, en 16 efstu lið deildarinnar tryggðu sér sæti á Íslandsmeistaramótinu. Úrslitin í mótinu réðust um helgina eftir keppni sem staðið hafði yfir tvær síðastliðnar helgar. Alls voru spilaðir sex leikir nú um helgina í FPP-formati og var keppt á kortunum Miramar, sem var spilað tvisvar, Taego, Rondo og Erangel sem einnig var spilað tvisvar. Omni tryggði sér Íslandsmeistaratitilinn Mikil spenna ríkti allt fram á lokamínútur mótsins þar sem liðin börðust…

Íslenska Gran Turismo Samfélagið hélt lokahóf sitt í gær, 8. maí, í húsakynnum Kvartmíluklúbbsins í Hafnarfirði þar sem meðlimir samfélagsins komu saman og fögnuðu tímabilinu með góðri kvöldstund. eSports.is hefur áður fjallað um samheldið samfélag íslenskra Gran Turismo áhugamanna sem hefur byggt upp öflugan kjarna í kringum akstursherma og keppnir hér á landi. Húsið opnaði klukkan 19:00 og stóð dagskráin fram eftir kvöldi, en lokað var klukkan 01:00. Boðið var upp á veislu að hætti GTSI þar sem 150 gramma steikarborgarar og drykkir voru í boði fyrir gesti. Allur ágóði af sölunni rann beint til samfélagsins og starfsemi þess. Miðaverð…

Stjórnendateymi CCP Games hefur náð samkomulagi um kaup á félaginu af suðurkóreska leikjaframleiðandanum Pearl Abyss fyrir um 120 milljónir dala, jafnvirði nærri 15 milljarða króna. Frá þessu greinir Viðskiptablaðið og vísar meðal annars í kóreska miðilinn Inven Global. Gert er ráð fyrir að Hilmar Veigar Pétursson, forstjóri og einn stofnenda CCP, leiði kaupin. Með þeim færist eignarhaldið aftur til stjórnenda félagsins eftir að Pearl Abyss keypti CCP árið 2018 í einni stærstu fyrirtækjasölu íslensks viðskiptalífs. Samkvæmt umfjöllun Inven Global telja forsvarsmenn beggja félaga að þessi leið styrki samkeppnisstöðu þeirra til lengri tíma. Talsmaður Pearl Abyss segir að hagkvæmast hafi verið…

Formúlu 4 deildin í hermikappakstri fer af stað á ný hér á landi þann 21. maí, þegar keppt verður í herminum iRacing. Um er að ræða annað skiptið sem deildin er haldin á Íslandi og ljóst að áhugi á hermikappakstri heldur áfram að vaxa. Mótið er skipulagt af Aðalbón Racing liðinu og verður streymt á YouTube rás GT Akademíunnar, þar sem keppninni verður lýst á íslensku. Keppendur taka þátt víðs vegar að, flestir úr heimahermum en einnig gefst kostur á að mæta í keppnissal GT Akademíunnar. Keppt verður bæði í einstaklings- og liðakeppni og eru alls sex umferðir á dagskrá.…

Kia Íslandsmeistaramót Ungmenna í rafíþróttum fór fram um helgina í Next Level Gaming í Egilshöll. Fjöldi ungmenna frá níu félögum tókust á í Fortnite og Minecraft í spennandi keppni þar sem keppendur sýndu frábæra takta þrátt fyrir ungan aldur, að því er fram kemur í fréttatilkynningu frá Rafíþróttasambandi Íslands. Mótinu lauk með verðlaunaafhendingu þar sem sigurvegarar tóku við bikar og allir keppendur hlutu medalíur. Fortnite Einstaklingskeppni (Solo) Í flokki eldri keppenda sýndi Brimir Leó Bjarnason (FH) mikla yfirburði, en hann lauk keppni með samtals 230 stig. Félagi hans úr Hafnarfirðinum, Þorlákur Gottskálk Guðfinnsson (FH) tók annað sætið með 164 stig.…