Rafíþróttasamband Íslands (RÍSÍ) hefur tilkynnt nýja Fortnite-keppni sem hefst sunnudaginn 1. september. Um er að ræða einstaklingskeppni þar sem allt að 100 spilurum gefst kostur á að skrá sig til leiks.
Keppnin stendur yfir í sjö vikur og fer fram í svokölluðu Swiss-fyrirkomulagi. Að því loknu taka við opin úrslit þar sem spilarar etja kappi um lokasigurinn. Úrslitin fara fram 22. nóvember og verður þar stigið lokaskrefið í þessari metnaðarfullu keppni.
Með mótinu heldur RÍSÍ áfram að efla íslenskt rafíþróttalíf með reglulegum viðburðum sem veita spilurum tækifæri til að spreyta sig á alþjóðlega vinsælum leik.
Mynd: fortnite.com
