Það er allt undir þegar fjórða og síðasta mótið í GameTíví-deildinni fer fram sunnudaginn 2. nóvember. Deildin hefur vakið mikla athygli meðal íslenskra PUBG-spilara, og nú stendur baráttan um fyrsta meistaratitilinn sem hæst.
Hverjir verða krýndir fyrstu deildarmeistarar GameTíVí-deildarinnar? Enn er opið fyrir ný lið að stökkva inn í slaginn, svo ef þú og félagar þínir hafið átt góðan dag á Erangel eða Miramar, þá er þetta tækifærið. Það er alls ekki of seint að taka þátt, enn eru stig í boði og hver lota gæti ráðið úrslitum. Skráning hér.
Fyrstu þrjú liðin hljóta glæsileg verðlaun, þannig að það borgar sig að mæta vel undirbúinn, tryggja sér gott drop og klára þetta með stæl.
Sjálft Íslandsmeistaramótið fer síðan fram dagana 6.–7. desember 2025, þar sem 16 bestu lið landsins mætast í lokaorrustunni um titilinn. Þau lið sem að svo stöddu hafa tryggt sér sæti í Íslandsmeistaramótið er hægt að skoða á heimasíðu mótsins.
Allri keppninni verður streymt beint á GameTíVí, þar sem áhorfendur geta fylgst með hörkuspennandi keppni og dramatískum lokaspretti deildarinnar.
GameTíVí-deildin hefur sannað að íslenskt PUBG-samfélag er í blóma og nú er lokaslagurinn í nánd.
