Íslandsmót Símans í Netskák fer af stað á morgun, sunnudaginn 7. september, og stendur yfir fram til 23. nóvember 2025 þegar úrslitin fara fram.
Mótið hefst með undankeppni þar sem keppt er um sæti í 16 manna úrslitunum. Þar verða leikirnir háðir í útsláttarfyrirkomulagi (Single Elimination) þar sem sigur þarf að nást í sjö leikjum (Best of 7).
Áhugi er mikill á mótinu, enda í boði sérstakt tækifæri fyrir þá sem ná langt. Efstu átta keppendurnir tryggja sér þátttökurétt á Síminn Invitational, sem verður meðal stærstu viðburða í skák á netinu hérlendis.
Skipuleggjendur eru Rafíþróttasamband Íslands (RÍSÍ) og Skáksamband Íslands sem með þessu móti sameina krafta sína til að efla netskák sem keppnisform hér á landi.
Mynd: pixabay.com
