Íslandsmeistaramótið í PUBG: Battlegrounds fór fram um helgina, dagana 6. og 7. desember, þar sem sterkustu lið landsins mættust í hörkubaráttu um titilinn. Mótið hófst í ágúst með umfangsmikilli deildarkeppni og komust 15 efstu liðin áfram í úrslitin sem nú hafa lokið með eftirminnilegum sigri Omni.
Steypa og Snapster sáu um lýsingar og leiddu áhorfendur í gegnum hvert móment keppninnar, en beint streymi var á Twitch-rás GameTíVí sem hefur fest sig í sessi sem helsti vettvangur íslenska PUBG-samfélagsins. Áhorfendur fengu þannig lifandi innsýn í þróun mótsins þar sem taktík, útsjónarsemi og samheldni liða skiptu sköpum.
Leikið var á kortunum Rondo, Taego, Miramar og Erangel sem hvert um sig prófar leikmenn á ólíkan hátt. Keppendur fengu einnig að spreyta sig á nýendurbættri vetrarútgáfu Erangel sem setti ferskan svip á keppnina.
Þau lið sem tókust á um Íslandsmeistaratitilinn voru eftirfarandi, raðað í stafrófsröð: 354 esports, B1sdak, CPK, FresH, Hlandblettur, Hliðarmenn, Hraunbitar, KNGR, NcFc, Oldies, Omni, PNGR, Team Iceland, Trúðalestin og Trúðapestin.
Að loknum tveimur keppnisdögum stóðu Omni uppi sem sannir Íslandsmeistarar 2025. PNGR tryggðu sér annað sætið eftir stöðuga framgöngu og Hlandblettur lauk mótinu í þriðja sæti.
Úrslit Íslandsmeistaramótsins í PUBG 2025
1. sæti: Omni
2. sæti: PNGR
3. sæti: Hlandblettur
Omni hafa því tryggt sér titilinn eftir frábæra frammistöðu og ljóst er að íslenskt PUBG-samfélag heldur áfram að vaxa og þróast með hverju ári.
Myndbandið hér að neðan sýnir seinni daginn í Íslandsmeistaramótinu.
Myndir: skjáskot úr myndbandi
