Nýr tölvuleikur byggður á John Wick hefur verið tilkynntur. Á State of Play kynningu Sony tilkynntu Lionsgate og Saber Interactive nýjan AAA einspilunar hasarleik fyrir PlayStation 5, Xbox Series X|S og PC.
Leikurinn ber vinnuheitið Untitled John Wick Game og setur leikmenn í hlutverk aðalpersónunnar. Keanu Reeves snýr aftur í hlutverki sínu og leggur til bæði útlit og rödd persónunnar. Þá kemur leikstjórinn Chad Stahelski einnig að framleiðslu verkefnisins.
Í tilkynningu frá Saber segir:
„John Wick is one of the most iconic characters in action film history. Saber is honored to be working alongside Chad, Keanu and the Lionsgate team in a true collaboration to bring the world of Wick to life in a AAA game.“
Leikurinn mun byggja á nýrri sögu sem gerist árum fyrir svokallaða Impossible Task og mun kafa dýpra í sögusviðið, ekki síst í uppbyggingu og áhrif High Table. Samkvæmt framleiðendum verður lögð áhersla á bardagakerfi sem endurspeglar hið þekkta gun-fu með sama stíl og þekkist úr myndunum, vandaðri framsetningu og ólíkum leiksvæðum.
Saber Interactive hefur áður unnið að stórum verkefnum, þar á meðal Warhammer 40,000: Space Marine 2, og er markmiðið að skapa heildstæða og metnaðarfulla leikjaupplifun byggða á John Wick heiminum.
Myndir: skjáskot úr myndbandi
