Rockstar Games tilkynntu í dag að Grand Theft Auto VI yrði fáanlegur í forsölu fyrir PS5 og Xbox Series X/S í næstu viku og að leikurinn kæmi út 19. nóvember.
Fyrsti leikurinn í Grand Theft Auto-seríunni leit dagsins ljós 28. nóvember 1997 og hafa leikirnir notið gríðarlegra vinsælda allar götur síðan.
Leikirnir í seríunni eru orðnir fjölmargir og í september verða liðin þrettán ár frá útgáfu Grand Theft Auto V.
Þrátt fyrir aldur sinn selst leikurinn enn í tugum milljóna eintaka. Hann er jafnframt þriðji mest seldi tölvuleikur allra tíma, með yfir 260 milljónir seldra eintaka frá og með maí 2026.
