Robin „flusha“ Rönnquist, einn þekktasti og sigursælasti leikmaður í sögu Counter-Strike, hefur ákveðið að leggja keppnisskóna á hilluna. Tilkynningin barst frá liðinu EYEBALLERS þar sem hann hefur spilað síðustu ár, en þar kom fram að tíminn væri einfaldlega kominn til að snúa blaðinu við.
Ferill flusha spannar meira en áratug og inniheldur afrek sem fáum hefur tekist að jafna. Hann lyfti þremur Major-bikurum með fnatic, vann 22 LAN-titla og hlaut titil besti leikmaður mótsins (MVP) á einum af þessum stórmótum. Hann var einnig fjórum sinnum á Top-20 lista HLTV yfir bestu leikmenn heims, hæst í öðru sæti árið 2014.
Í yfirlýsingu sagðist flusha hafa fundið að gamanið við keppnina væri farið að fjara út og að einbeitingin væri ekki lengur sú sama.
„Þegar þú finnur að þú ert ekki að gefa þér 100 prósent, þá er kannski kominn tími á breytingu,“
sagði hann.
EYEBALLERS hefur nú þegar fyllt skarð hans. Sænski leikmaðurinn Ludvig „HEAP“ Alonso hefur gengið til liðs við liðið og tekur við keflinu í þeirri von að skrifa næsta kafla í sögunni.
📝 NEWS
Even though we knew this day would come it is with tears in our eyes we are writing this.
One of the best to ever play the game has decided to retire from the scene.
Thank you for everything, @flusha. ❤️📄 Read the full statement on our website, link ⬇️ #TACKFLUSHA pic.twitter.com/5nDd1Q7344
— EYEBALLERS (@EYEBALLERS) August 15, 2023
Flusha skilur eftir sig ómetanlegt orðspor í Counter-Strike. Hann var þekktur fyrir yfirvegaða spilamennsku, óvenjuleg tilþrif og hæfileikann til að snúa leikjum við á ögurstundu. Þó að hann stígi nú út úr sviðsljósinu, munu afrek hans lifa áfram í minningu aðdáenda og leikmanna um allan heim.
Myndir: eyeballers.net
