Mynd: Björn Þorláksson / Bridgesamband Íslands
Næsta föstudagskvöld klukkan 19, munu áhorfendur Símans, sem fylgjast með rafíþróttum og aðrir sem fylgjast með á youtube eða Twitch, fá adrenalínbombu í æð þegar upp rennur úrslitaleikur í Úrvalsdeildinni í bridds.
Matthías Imsland, framkvæmdastjóri Bridgesambands Íslands, mun sjálfur sjá um lýsingu á leiknum í beinni útsendingu og fá til sín gesti.
Honum til aðstoðar við lýsinguna er Tryggvi Ingason, briddsspilari og sálfræðingur.
Sveitir Grant Thornton og sveit Gunnlaugs Stefánssonar berjast um gullið. Báðar sveitir hafa unnið margar öflugar sveitir á leiðinni að úrslitarimmunni.
Mótið hefur verið mjög skemmtileg viðbót við aðra bardaga í bridds og óvænt úrslit orðið.
