Laugardaginn 5. september fer fram liðsstjóramót GameTíví í Apex Legends í samstarfi við Next Level Gaming. Mótið verður haldið í húsakynnum Next Level Gaming og er sætafjöldi takmarkaður.
Í tilkynningu frá íslenska Apex Legends samfélaginu kemur fram að liðsstjórar verða valdir út frá stöðu leikmanna í Apex Legends og frammistöðu þeirra á síðustu mótum, þar sem það á við. Í kjölfarið verða liðin mynduð með það að markmiði að skapa skemmtilega og samkeppnishæfa upplifun.
Skráning opin til 25. ágúst
Leikmenn skrá sig hver fyrir sig og verður opin til 25. ágúst. Liðin verða tilkynnt á Discord-rás Apex Ísland og Facebook 26. ágúst. Þeir þátttakendur sem skrá netfang fá jafnframt upplýsingar um liðin sendar í tölvupósti.
Þátttökugjaldið er 3.900 krónur og er spilatími hjá Next Level Gaming á meðan mótið stendur yfir innifalinn í verðinu. Vegleg verðlaun frá GameTíví og Next Level Gaming verða í boði fyrir þá sem standa sig best.
Allar helstu upplýsingar, tilkynningar og uppfærslur um mótið verða birtar á Discord-rás Apex Ísland.
Þeir sem hafa áhuga á þátttöku eru hvattir til að skrá sig tímanlega, enda aðeins takmarkaður fjöldi sæta í boði.
Athygli er vakin á því að þátttakendur yngri en 16 ára þurfa að framvísa leyfi frá forráðamanni.
Myndir: aðsendar
