NCFC eSports hélt glæsilegt sumarafmælismót í PUBG: Battlegrounds í gærkvöldi, þar sem vinir og félagar komu saman til að heiðra afmælisdrenginn Alex „Exik0n“. Mótið fór fram sunnudagskvöldið 20. júlí og hófst stundvíslega klukkan 20:00.
Þátttakan var góð, enda var mótið opið öllum og aðgangur ókeypis. Ellefu lið skráðu sig til leiks og var andrúmsloftið létt, en keppnin engu að síður hörð og spennandi allt til loka.
Enginn komst með tærnar þar sem Omni hafði hælana
Það var lið Omni sem stóð uppi sem sigurvegari að loknum átökum kvöldsin. Í öðru sæti hafnaði NLG BLUE og í þriðja sæti endaði lið sem nefnist Hlandblettur, og vakti nafn þess óneitanlega kátínu í spjallrásum mótsins.
Liðaskipan efstu þriggja liða:
Omni
- islKrimmi
- demaNtur
- isliQuzi
- Stormur
NLG BLUE
- maNiiic
- Hundzilla
- jengah
- JellyFizhH
Hlandblettur
- dollondoro
- Limpmulerider
- tveirmetrar
- Serbman
- Thorgeir (aukamaður)
Það var gleðin og samveran sem skipti mestu fyrir þátttakendur, þar sem margir þekkjast úr samfélaginu í kringum NCFC eSports og Exik0n sjálfan.
„Við vildum bara gera eitthvað skemmtilegt með félögunum og heiðra Exik0n, sem hefur verið virkur og jákvæður þátttakandi í samfélaginu. Það var frábært að sjá svona marga mæta og taka þátt,“
sagði einn skipuleggjenda í stuttu spjalli eftir mótið.
Mynd: pubg.com
