Rockstar Games hefur tilkynnt að útgáfu Grand Theft Auto VI sé frestað enn á ný. Leikurinn, sem átti upphaflega að koma út í maí 2026, mun nú líta dagsins ljós 19. nóvember sama ár.
Í tilkynningu á samfélagsmiðlum segir fyrirtækið að viðbótartíminn sé nauðsynlegur til að tryggja að leikurinn uppfylli væntingar aðdáenda.
„Við biðjumst afsökunar á að bæta við fleiri mánuðum í biðina, en þessi tími gerir okkur kleift að ljúka leiknum með þeim glans sem þið eigið skilið,“ segir í yfirlýsingu Rockstar.
„Þó biðin lengist örlítið, erum við ótrúlega spennt að leikmenn fái loks að upplifa hið víðfeðma ríki Leonida og endurkomuna til Vice City í nútímanum.“
Hi everyone,
Grand Theft Auto VI will now release on Thursday, November 19, 2026.
We are sorry for adding additional time to what we realize has been a long wait, but these extra months will allow us to finish the game with the level of polish you have come to expect and… pic.twitter.com/yLX9KIiDzX
— Rockstar Games (@RockstarGames) November 6, 2025
Þetta er í annað sinn á árinu sem Rockstar frestar útgáfu GTA VI. Í maí var leiknum þegar seinkað um heilt ár, frá 2025 til maí 2026. Nú bætist hálft ár við.
Bro I gotta survive ANOTHER YEAR so I can play GTA6 pic.twitter.com/djwk97VEOR
— MEETHERSTAR (@followHerStar) November 6, 2025
Frestun sem setur allt á hliðina í leikjaheiminum
Grand Theft Auto VI er eitt mest beðið tölvuleikjaverkefni allra tíma og áhrifin af frestuninni eru þegar farin að finnast víða. Þó að leikjum sé oft seinkað, eru fá verkefni sem hafa jafn mikil áhrif á útgáfudagatal alls iðnaðarins.
We’re gonna get GTA7 before GTA6 at this point
— Phil Salvador (@philsalv.bsky.social) November 6, 2025 at 9:12 PM
Aðdáendur bregðast við með blöndu af vonbrigðum og háði. Á samfélagsmiðlum flæðir inn ummæli á borð við:
„Við fengum Elden Ring DLC á undan GTA 6“
og
„Ég verð kominn á eftirlaun áður en ég keyri í Vice City.“
Þræðir á Reddit og X (Twitter) fyllast nú af myndum og bröndurum þar sem biðin er orðin hluti af sjálfri menningunni í kringum leikinn.
Sumir hafa þó sett spurningamerki við tímasetningu tilkynningarinnar, þar sem Rockstar hefur nýlega orðið fyrir gagnrýni vegna hópuppsagna sem gagnrýnendur sögðu tengjast verkalýðsfélagsstarfi. Þó telja flestir ólíklegt að frestunin tengist því máli beint.
IShowSpeed crashes out after Rockstar announced that GTA VI was delayed until November 19, 2026 pic.twitter.com/yf6LvSDVGb
— FearBuck (@FearedBuck) November 6, 2025
Þolinmæðin á þrotum
Framkvæmdastjóri móðurfélagsins Take-Two Interactive, Strauss Zelnick, hafði í ágúst lýst mikilli sannfæringu um að GTA VI myndi ekki dragast frekar.
„Mjög, mjög sannfærður,“
sagði hann þá. Það loforð hefur nú staðið stutt.
Ef Rockstar nær nýjum útgáfudegi sínum, verður liðin þrettán ár frá því að Grand Theft Auto V kom út árið 2013. Í millitíðinni hefur fyrirtækið einblínt á áframhaldandi þróun GTA Online, en margir aðdáendur telja nú þolinmæðina á þrotum.
We’re not getting GTA 6 or the Epstein files atp https://t.co/Quer8crXcp
— Democrats (@TheDemocrats) November 6, 2025
Einn notandi skrifar á X:
„Við biðum þrjú ár eftir næstu stiklu, svo sex mánuðir í viðbót breyta kannski ekki miklu. En maður er farinn að efast um hvort þetta sé raunverulega að gerast.“
Enn ríkir spenna þrátt fyrir allt
Þrátt fyrir vonbrigðin ríkir áfram gífurleg eftirvænting. GTA VI hefur verið í þróun í yfir áratug og er talið að leikurinn muni slá öll sölumet þegar hann loks kemur út. Aðdáendur bíða þess nú að Rockstar birti nýjar myndir eða stiklur sem gefa vísbendingar um hvað bíður í ríki Leonida og endurkomu í glitrandi Vice City.
Mynd: rockstargames.com
