[show-logos orderby='none' category='styrktaradilar' activeurl='new' style='boxhighlight' interface='grid' tooltip='false' description='false' limit='3' filter='false' ]
Heim / Tölvuleikir / 100 Thieves stóðu uppi sem sigurvegarar – Marvel Rivals verður hluti af rafíþróttaheiminum
Auglýsa á esports.is?

100 Thieves stóðu uppi sem sigurvegarar – Marvel Rivals verður hluti af rafíþróttaheiminum

Bandaríska rafíþróttafélagið 100 Thieves - 100 Thieves stóðu uppi sem sigurvegarar - Marvel Rivals verður hluti af rafíþróttaheiminum

100 Thieves sigruðu á NA Marvel Rivals Invitational og unnu til 100.000 dala verðlauna

Bandaríska rafíþróttafélagið 100 Thieves stóð uppi sem sigurvegari á Marvel Rivals Invitational, sem haldið var í Los Angeles þann 20. mars. Um var að ræða fyrstu opinberu keppnina í Marvel Rivals, en leikurinn er ekki lengur bara afþreying, heldur sérstaklega hannaður með það í huga að verða hluti af alvöru rafíþróttum.

Lið 100 Thieves, sem er skipað af leikmönnunum JhbTeam, Hysterics, Willjum, Stella og Bang, tryggði sér sigur í úrslitaleik gegn Team Liquid, sem fram fór í hinum glæsilega Terminal 27-leikvanginum. Með markvissri spilamennsku, traustri liðsheild tókst þeim að stíga fram sem brautryðjendur á þessu nýja sviði rafíþrótta.

„Við erum afar stolt af þessari frammistöðu og þakklát fyrir að fá að vera hluti af þessum merku tímamótum í þróun keppnisleikja,“

sagði Dan Fleeter, framkvæmdastjóri rafíþróttasviðs hjá 100 Thieves.

Leikurinn Marvel Rivals býður upp á einstakt samspil þekktra ofurhetja og fjölbreyttra leikstíla, þar sem leikmenn þurfa að vinna saman í hraðvirkum átökum sem reyna bæði á útsjónarsemi og liðsheild. Opinber útgáfa eSports-leiksins er væntanlegur síðar á árinu, en viðtökurnar eftir mótið gefa fyrirheit um að hann gæti því orðið nýr burðarás í heimi rafíþrótta.

Mynd: x.com / Marvel Rivals Esports

Um Chef-Jack

Chef-Jack er matreiðslumaður að mennt og hefur verið með pennann á lofti til fjölda ára og skrifað mikið um tölvuleiki og allt sem snýr að Íslensku tölvuleikjasamfélaginu. Hægt er að hafa samband við Chef-Jack á netfangið: [email protected]
x

Check Also

Magnus Carlsen í rafíþróttir – gengur til liðs við Team Liquid

Magnus Carlsen í rafíþróttir – gengur til liðs við Team Liquid

Norski stórmeistarinn í skák, Magnus ...