esports.is Íslenska leikjasamfélagið
Það styttist í að leikmenn á PlayStation 5 fái að upplifa ævintýri fornleifafræðingsins fræga, Indiana Jones. Microsoft stúdíóið Bethesda hefur nú staðfest að Indiana Jones and the Great Circle komi út á PS5 í næsta mánuði, eftir að hafa áður verið aðeins fáanlegur á Xbox Series X/S og PC, að því er fram kemur á psfrettir.com.
Leikurinn kom fyrst út í lok síðasta árs og hlaut þá afar góðar viðtökur gagnrýnenda og leikjaspilara, sem hrósuðu einkum spennandi frásögn, grafískri útfærslu og kvikmyndaupplifun.
Í Indiana Jones and the Great Circle fær leikmaðurinn að stíga beint inn í hlutverk goðsagnakennda ævintýramannsins í spennandi fyrstu persónu leik sem gerist á milli atburða kvikmyndanna Raiders of the Lost Ark og The Last Crusade. Ill öfl eru á ferð um heiminn árið 1937 í leit að leyndardómsfullu afli úr fornöld. Indiana Jones er síðasta vonin.
Leikurinn er þróaður af MachineGames, sem hlotið hafa lof fyrir Wolfenstein-seríuna, og er framleiddur með aðkomu Hall of Fame leikjahönnuðarins Todd Howard.
Nánari umfjöllun er hægt að lesa psfrettir.com með því að smella hér.
Mynd: bethesda.net
