Michael Condrey látinn fara eftir slæm viðbrögð við nýjum leik

Project Ethos

Michael Condrey, stofnandi og forstjóri leikjafyrirtækisins 31st Union, hefur verið látinn fara frá fyrirtækinu eftir slæm viðbrögð á nýjasta leik þeirra, Project Ethos.  Þrátt fyrir þetta hefur 2K Games, móðurfélag 31st Union, lýst yfir áframhaldandi stuðningi við bæði leikinn og þróunarteymið.

Michael Condrey er þekktur fyrir að hafa stofnað Sledgehammer Games, þar sem hann vann að vinsælum leikjum eins og Dead Space og Call of Duty: Advanced Warfare. Árið 2019 gekk hann til liðs við 2K Games til að stofna 31st Union, með það að markmiði að þróa nýja og metnaðarfulla leiki.

Project Ethos

Project Ethos var kynntur síðastliðið haust sem free to play þriðju persónu skotleikur með roguelike leikjakerfi.  Leikurinn átti að bjóða upp á nýstárlega spilun með áherslu á fjölbreytni og aðlögun.

Viðbrögð og Afleiðingar

Þrátt fyrir metnaðarfulla kynningu fékk Project Ethos dræmar undirtektir og vakti lítinn áhuga meðal leikjaspilara. Þetta leiddi til þess að 2K Games ákvað að láta Condrey fara frá stöðu sinni sem forstjóri 31st Union þann 3. febrúar 2025. Hann mun þó áfram starfa sem ráðgjafi fyrir verkefnið í náinni framtíð.

Í fréttatilkynningu frá 2K Games segir:

„Við erum þakklát Michael Condrey fyrir þá elju, ástríðu og vinnusiðferði sem hann sýndi við að byggja upp ótrúlegt teymi og móta framtíðarsýn 31st Union.

Michael mun á næstunni einbeita sér að því að ráðleggja um framtíð Project Ethos. Við munum halda áfram með Project Ethos og styðja við leikjasamfélagið í heild sinni hjá 31st Union.“

Framtíð 31st Union og Project Ethos

Þrátt fyrir breytingar á stjórnendastöðum hefur 2K Games lýst yfir áframhaldandi stuðningi við bæði 31st Union og Project Ethos. Framtíð leiksins er þó óviss, en fyrirtækið hefur gefið til kynna að það sé „mjög skuldbundið“ til að halda áfram með verkefnið og styðja við þróunarteymið.

Mynd: Steam