HR-ingurinn, 200 manna tölvuleikjamót, fer fram í Háskólanum í Reykjavík um helgina sem ber heitið HR-ingurinn og er það árlegt tölvuleikjamót skipulagt af Tvíund nemendafélagi tölvunarfræðideildar Háskólans í Reykjavík.
200 manns eru mættir til að etja kappi í League of Legends, Counter Strike, Starcraft II og fleiri leikjum. Til mikils er að vinna en verðlaun mótsins eru metin á yfir hálfa milljón, segir í fréttatilkynningu frá Tvíund.
Mótið nær hámarki í dag, laugardaginn 11. ágúst en úrslitakeppni hefst síðan á morgun.
Húsið er opið öllum en hægt er að koma og horfa á leikina varpað á stóru tjaldi. CCP verður með kynningu á nýjasta leik sínum Dust 514 og Red Bull mun gefa orkudrykki.
Einnig er hægt er að fylgjast með keppni í Starcraft II og LoL á eftirfarandi straumum á netinu:
Starcraft II : www.twitch.tv/hringurinnsc2
League of Legends : www.twitch.tv/hringurinnlol
Í fréttilkynningu segir að Tvíund hefur alfarið séð um skipulagningu mótsins en þeir hafa notið mikils stuðnings frá CCP, Kísildal, Senu, Sensa og Dominos.
Mynd: Aðsend/Tvíund.
