Aprílgöbbin á esports.is vöktu athygli hjá lesendum, en við birtum þrjár fréttir sem höfðu það sameiginlegt að vera algjör vitleysa – en greinilega vel heppnuð, því margir skemmtu sér konunglega yfir þessum uppspuna.
Við fengum meira að segja skilaboð frá einum lesanda sem spurði glaðbeittur: „Ertu alveg að missa þig í aprílgabbinu?“ – sem lýsir stemningunni ansi vel.
Markmiðið með svona sprelli er að létta lundina, vekja kátínu og jafnvel sýna að eSports-heimurinn má alveg brosa að sjálfum sér. Þegar vel tekst til bætir þetta líka ímyndina og skapar jákvæða umræðu.
Fyrir þá sem ekki áttuðu sig á gríni okkar, þá voru aprílgöbbin þessi:
KFC & esports.is kynna fyrsta „Chicken Run Invitational“ Battle Royale mótið
Elon Musk kaupir íslenskt Valorant-lið – Æfa eingöngu í sjálfkeyrandi Teslum
Ísland kynnir skyldunám í eSports í grunnskólum – Minecraft inngöngupróf í MS
Við biðjumst velvirðingar ef einhverjum brá – en vonum að flestir hafi hlegið með okkur.
