Author: Chef-Jack

Undirbúningur er hafinn fyrir eitt stærsta mót ársins í Warhammer 40,000 á Íslandi, þegar ICE HAMMER ITC GT I fer fram dagana 18. og 19. apríl næstkomandi. Um er að ræða svokallað Grand Tournament þar sem bestu spilurum landsins og áhugafólki gefst kostur á að etja kappi í fimm umferðum yfir helgina. Mótið verður haldið í húsnæði Tennis- og badmintonfélags Reykjavíkur, TBR, í Gnoðavogi, þar sem aðstaða er til fyrirmyndar fyrir slíkan viðburð. Samkvæmt skipuleggjendum er þetta stærsta Warhammer 40.000 mót ársins hér á landi og er mikill áhugi þegar farinn að myndast meðal spilara. Skráning stendur nú yfir og…

Fyrrverandi leikjahönnuður Overwatch lét heyra í sér um helgina þegar hann ræddi hegðun hluta leikjasamfélagsins á netinu í streymi á Twitch. Jeff Kaplan, sem áður starfaði hjá Blizzard Entertainment og stýrði þróun Overwatch, vinnur nú að nýjum leik sem ber heitið The Legend of California hjá stúdíóinu Kintsugiyama. Um helgina spilaði Jeff Kaplan leikinn í Twitch-streymi þar sem hann ræddi meðal annars um gagnrýni frá fólki sem segist vera ósátt við leiki sem það hefur hvorki spilað né hefur áhuga á að prófa. „Ég skil alveg að fólk hafi skoðanir,“ sagði Jeff Kaplan í streyminu. „En ef leikur kemur út…

Microsoft kynnti á ráðstefnunni Game Developers Conference 2026 nýja sýn á framtíð leikja á Windows og Xbox. Þar kom fram að fyrirtækið hyggst gera nýja „Full-screen mode“ fyrir leikjaspilun í Windows 11 aðgengilega í apríl, undir nýju heiti, „Xbox mode“, samkvæmt upplýsingum á Windows vefnum windows.com. Markmiðið er að gera Windows að miðju næstu kynslóðar leikjaþróunar hjá Microsoft og undirbúa jarðveginn fyrir næstu Xbox leikjatölvu fyrirtækisins, sem gengur undir vinnuheitið Helix. Samkvæmt Microsoft er stefnt að því að samræma þróun fyrir PC og Xbox með sameinuðu þróunarumhverfi, svokölluðu Game Development Kit (GDK). Með því geta leikjaframleiðendur þróað leiki fyrir PC…

Microsoft virðist hafa lagt til hliðar markaðsherferðina „This is an Xbox“ án mikillar athygli. Herferðin átti að undirstrika eina meginhugmynd. Að Xbox væri ekki lengur aðeins leikjatölva heldur heill leikjavettvangur sem nær yfir margar tegundir tækja. Í frétt á Game Developer kemur fram að merki um breytinguna komu í ljós þegar upphafleg tilkynning um herferðina hvarf af Xbox Wire, opinberum fréttavef Xbox. Tengillinn sem áður vísaði á tilkynninguna skilar nú einfaldlega 404 villu þar sem segir að síðan finnist ekki. Herferðin var upphaflega kynnt sem leið til að sýna að hægt væri að spila Xbox-leiki hvar sem er og hvernig…

Hver verður krýndur Prefire Meistarinn í Counter-Strike? 28. mars fer fram úrslitakvöld Ljósleiðaradeildarinnar í  Next Level Gaming, Egilshöll. Þar mætast tvö sterkustu Counter-Strike lið landsins og keppa til úrslita, en þau verða ekki ein í því að keppast um fyrsta sætið á úrslitakvöldinu, að því er fram kemur í fréttatilkynningu frá Rafíþróttasambandi Íslands. Á staðnum verður Prefire Meistarinn í boði Red Bull, sem er skemmtileg en krefjandi áskorun í hinum vinsæla Prefire í Counter-Strike. Prefire Meistarinn verður krýndur í lok úrslitakvöldsins og fer heim með glæsilega vinninga frá Ofar og Red Bull. Hvernig virkar Prefire Meistarinn? Allir sem mæta á…

Bandarísk stjórnvöld hafa vakið athygli á ný fyrir notkun á tölvuleikjatengdu efni í myndböndum sem birt eru á samfélagsmiðlum Hvíta hússins. Í nýjasta dæminu má sjá myndefni sem tengist loftárásum Bandaríkjanna og Ísraels á Íran, klippt saman við atriði úr leiknum Wii Sports frá Nintendo, þar sem þekkt þemalag leiksins hljómar yfir myndbandinu. Samkvæmt umfjöllun Kotaku hefur ríkisstjórn Donalds Trump síðustu mánuði ítrekað notað vísanir í poppmenningu til að dreifa pólitískum skilaboðum á netinu. Þar hafa meðal annars komið fyrir tilvísanir í tölvuleiki og afþreyingarefni á borð við Pokémon og Call of Duty. Markmiðið virðist vera að nýta þekkt menningartákn…

Tveir íslenskir rafiðnfræðingar standa að verkefninu spicy.is, þar sem boðið er upp á leikjahýsingu fyrir íslenska spilara án endurgjalds. Á bak við verkefnið standa æskuvinirnir Orri og Hilmar, sem hafa lengi starfað saman bæði í leikjasamfélögum og í tæknigeiranum. Æskuvinir með langa reynslu úr Minecraft-samfélaginu Orri og Hilmar kynntust snemma í gegnum sameiginlegan áhuga á tölvuleikjum og hafa spilað saman Minecraft frá árinu 2008. Með árunum urðu þeir einnig virkir þátttakendur í íslenska Minecraft-samfélaginu og tóku þátt í rekstri vinsælla leikjaþjóna. Þeir komu meðal annars að rekstri serversins Sandkassinn, sem starfaði undir lénunum Minecraft.is og Gussi.is. Á sínum tíma var…

Ný uppfærsla, Update 40.2, er komin í tölvuleikinn PUBG: Battlegrounds þar sem leikurinn fagnar níu ára afmæli sínu með ýmsum viðburðum og breytingum. Uppfærslan kom í dag, 11. mars, á PC en verður gefin út á PlayStation 5 og Xbox Series X/S þann 19. mars. Veislan hefst áður en leikurinn byrjar Afmælisstemningin setur svip sinn á vígvellina. Á byrjunareyjum allra korta hefur verið komið fyrir sérstakri 9 ára afmælisstyttu. Spilarar geta kastað svokallaðri holographic stun sprengju í styttuna áður en leikur hefst og eftir að hafa hitt styttuna nokkrum sinnum breytist hún í útlit persónu spilarans. Þá mun einnig drónasýning…

Enn ríkir stemning meðal leikjaspilara eftir hinn svokallaða Mario dag sem haldinn var hátíðlegur í gær, 10. mars. Dagsetningin er ekki valin af tilviljun, því ritað á ensku verður hún „Mar 10“, sem minnir á nafnið Mario. Nintendo hefur um árabil nýtt daginn til að fagna einni frægustu tölvuleikjapersónu heims. Saga Mario nær aftur til ársins 1981 þegar hann birtist fyrst í spilakassanum Donkey Kong. Þá gekk hann undir nafninu Jumpman, en á næstum 45 árum hefur hann orðið ein þekktasta persóna tölvuleikjasögunnar og safnað að sér gríðarlegum aðdáendahópi. Mario leikjaserían er jafnframt sú söluhæsta í heimi. Allir leikir og…

Tölvuleikjaútgefandinn Silver Lining Interactive hefur tilkynnt samstarf við þróunarteymið Psychic Software um að færa gotneska leikinn The Necromancer’s Tale á console leikjatölvur. Leikurinn, sem kom upphaflega út á PC, er væntanlegur á PlayStation 5, Xbox Series X/S og Nintendo Switch 2. Leikurinn hefur vakið athygli fyrir dökka og sögudrifna nálgun þar sem ákvarðanir leikmanna hafa bein áhrif á framvindu sögunnar. Nú þegar er hægt að setja leikinn á óskalista á PlayStation 5 og Xbox Series X/S, en skráning fyrir Nintendo Switch 2 verður tilkynnnt síðar. Í The Necromancer’s Tale stíga leikmenn í spor aðalsmanns á 18. öld sem dregst inn…