Ný íslensk vefverslun ætluð tölvuleikja- og nördasamfélaginu er að líta dagsins ljós á næstu dögum undir nafninu Pixelwear.is. Verkefnið er samfélagsdrifið framtak sem hefur það að markmiði að sameina ólík íslensk gaming-samfélög á einum vettvangi og gefa þeim tækifæri til að bjóða upp á sinn eigin varning án þess að þurfa að sjá um framleiðslu, lagerhald eða sölu.
Hugmyndin að baki Pixelwear er einföld en metnaðarfull. Samfélög geta hannað og sett í sölu eigin vörur á vefnum og fá í staðinn hlutdeild í hagnaði. Með þessu verður til sameiginlegur markaður þar sem íslensk gaming-menning fær aukið vægi og sýnileika, á sama tíma og samfélögin styrkjast fjárhagslega.
Stefnt er að því að vefverslunin verði lifandi og síbreytilegur vettvangur þar sem nýjar vörur bætast reglulega við. Þar má búast við bæði klassískum varningi og takmörkuðum útgáfum sem tengjast viðburðum, mótum og öðrum stórviðburðum í íslensku rafíþrótta- og leikjasenunni.
Pixelwear.is er þegar komið vel á veg og stendur til að opna vefverslunina næsta miðvikudag. Aðstandendur leggja áherslu á að um sé að ræða meira en hefðbundna netverslun. Markmiðið er að byggja upp samfélagslegan vettvang þar sem ólík hópstarf innan íslensks leikjaheims getur tengst, vaxið og stutt hvert annað.
Mynd: Skjáskot af vefnum Pixelwear.is
