Funcom hefur staðfest að væntanlegi fjölspilunarleikur þeirra, „Dune: Awakening“, mun koma út 20. maí 2025 fyrir Windows PC. Leikurinn, sem byggir á hinu víðfræga vísindaskáldsöguheimi „Dune“ eftir Frank Herbert, mun einnig koma út á PlayStation 5 og Xbox Series X, en nánari upplýsingar um þær útgáfur verða birtar síðar.
Uppfært (18. apríl 2025) : Funcom frestar útgáfu Dune: Awakening – ný dagsetning 10. júní 2025
Frá og með deginum í dag geta leikmenn hlaðið niður sérstökum viðbótum í gegnum Steam þar sem leikmenn geta búið til persónu og metið hversu vel tölvan ræður við leikinn. Þessi viðbót gerir leikmönnum kleift að búa til sína eigin persónu, velja heimaplánetu, stétt og leiðbeinanda, sem mun hafa áhrif á hæfileika í leiknum, þar á meðal flug með ornithopter og árekstur við sandorma svo fátt eitt sé nefnt.
Persónur sem eru búnar til núna munu flytjast yfir þegar leikurinn kemur út.
„Dune: Awakening“ sendir leikmenn til eyðimerkurplánetunnar Arrakis, þar sem þeir munu berjast fyrir lífi sínu og velja sér hlutverk innan heimsins. Leikurinn dregur innblástur frá skáldsögum Frank Herbert og kvikmynd Denis Villeneuve, og lofar að bjóða upp á grípandi upplifun fyrir bæði aðdáendur og nýja leikmenn.
Leikurinn er nú fáanlegur á Steam fyrir $49,99. Nánari upplýsingar um útgáfudag fyrir PlayStation 5 og Xbox Series X verða birtar síðar.
Fyrir frekari innsýn í leikinn má horfa á kynningarmnyndband hér að neðan sem var sýnt á Gamescom 2024:
Myndir: duneawakening.com
