esports.is Íslenska leikjasamfélagið
Aðdáendur Borderlands-seríunnar geta loksins andað léttar, þar sem Gearbox Software hefur nú staðfest útgáfudag Borderlands 4. Samkvæmt tilkynningu verður leikurinn gefinn út heimsvísu þann 23. september 2025, og lofar að færa spilurum nýjan heim fylltan af kaotískri skemmtun, litríkum persónum og óteljandi byssum.
Borderlands 4 mun byggja á vinsældum fyrri leikja en innihalda enn fleiri nýjungar. Gearbox hefur þó haldið flestum smáatriðum leiksins leyndum, en í tilkynningu er vísað í orð hönnuða sem segja að leikurinn muni „færast inn á nýtt stig hvað varðar samvinnu, spilun og söguþráð.“
Nýjungar og væntingar
Borderlands 4
Borderlands 4 verður fáanlegur á öllum helstu leikjatölvum, þar á meðal PlayStation 5, Xbox Series X/S og PC. Þrátt fyrir að litlar upplýsingar hafi verið gefnar út hingað til, gera aðdáendur ráð fyrir áframhaldandi áherslu á fjölspilun, ný vopnakerfi og mögulega nýjar fléttur í Pandóra-heiminum sem hafa verið einkennandi fyrir seríuna.
Ásamt væntanlegri kynningu á leiknum, er búist við því að frekari upplýsingar verði kynntar á sérstökum viðburði Gearbox í næstu vikum. Aðdáendur hafa nú þegar farið að velta fyrir sér hvaða nýjungar verða með og hverjar lykilpersónur verða kynntar til sögunnar.
Borderlands 4 hefur nú þegar tryggt sér sess sem einn stærsti leikur ársins 2025 og virðist líklegt að Gearbox sé tilbúið að endurtaka árangurinn sem fyrri leikirnir hafa skilað. Þriðjudagurinn 23. september verður dagsetning sem margir leikjaunnendur merkja í dagatöl sín.
Við verðum með puttann á púlsinum og látum ykkur vita þegar eitthvað nýtt kemur í ljós.
Myndir: Steam
