[show-logos orderby='none' category='0' activeurl='new' style='normal' interface='grid' tooltip='false' description='false' limit='0' filter='false' ]
Heim / Console leikir / Þessir skotleikir verða algjör sprengja! Heitustu leikirnir 2025
Auglýsa á esports.is?

Þessir skotleikir verða algjör sprengja! Heitustu leikirnir 2025

Árið 2025 lítur út fyrir að verða spennandi fyrir aðdáendur skotleikja, með fjölmörgum nýjum útgáfum sem lofa spennandi spilun.  Hér er yfirlit yfir nokkra af mest spennandi skotleikjunum sem koma út á þessu ári.

FragPunk

FragPunk

FragPunk

  • Hönnuður: Bad Guitar Studio
  • Tölvur: PC, Xbox Series X|S, PS5
  • Útgáfudagur: 6. mars 2025

FragPunk er hraður taktískur skotleikur sem minnir á Valorant, þar sem leikmenn velja sér persónur með sérstaka hæfileika.  Leikurinn bætir við nýjungum eins og spilum sem hægt er að velja í upphafi hverrar lotu, sem geta breytt leiknum á ýmsa vegu, til dæmis með því að snúa kortinu á hvolf eða endurlífga liðsfélaga sem uppvakninga.

Nánari upplýsingar á Steam.

Atomfall

Atomfall

Atomfall

  • Hönnuður: Neon Forge
  • Tölvur: PC, Xbox Series X|S, PS5
  • Útgáfudagur: 15. maí 2025

Atomfall er vísindaskáldsöguskotleikur sem gerist í framtíðinni þar sem menn berjast við vélmenni sem hafa tekið yfir heiminn. Leikurinn býður upp á fjölbreytt vopn og hæfileika, sem og fjölspilun þar sem leikmenn geta sameinast í baráttunni gegn vélmennunum.

Nánari upplýsingar á Amazon.

Killing Floor 3

Killing Floor 3

Killing Floor 3

  • Hönnuður: Tripwire Interactive
  • Tölvur: PC, Xbox Series X|S, PS5
  • Útgáfudagur: Mars 2025

Eftir næstum 11 ár frá útgáfu Killing Floor 2 kemur nú Killing Floor 3. Leikurinn heldur í grunnformúluna þar sem allt að sex leikmenn sameinast gegn sífellt erfiðari bylgjum af uppvakningum. Nýjungar í þessum leik fela í sér aukna hreyfanleika óvina, þar á meðal uppvakninga sem fljúga eða skríða á veggjum og loftum.

Nánari upplýsingar á Steam.

The Last of Us Part 2 Remastered

The Last of Us Part 2 Remastered

The Last of Us Part 2 Remastered

  • Hönnuður: Naughty Dog
  • Tölva: PC
  • Útgáfudagur: 3. apríl 2025

PC leikmenn geta nú loksins upplifað sögu Ellie í The Last of Us Part 2 Remastered. Þessi útgáfa býður upp á ýmsar myndrænar endurbætur, fulla samþættingu við PlayStation DualSense stýripinnann, sem og viðbætur eins og athugasemdir frá þróunaraðilum, Lost Levels eiginleika til að kanna senur sem ekki komust í lokaleikinn, og No Return, lífgun þar sem hægt er að velja úr mismunandi persónum.

Nánari upplýsingar á Steam.

Borderlands 4

Borderlands 4

Borderlands 4

  • Hönnuður: Gearbox Software
  • Tölvur: PC, PS5, Xbox Series X|S
  • Útgáfudagur: 23. september 2025

Borderlands 4 er væntanlegur fyrstu persónu skotleikur sem heldur áfram söguþræði fyrri leikja. Leikurinn er þekktur fyrir einstaka teiknimyndastíl sinn og húmor, og lofar nýjum ævintýrum á nýrri plánetu með nýjum persónum og vopnum.

Nánari upplýsingar á Steam.

FBC: Firebreak

FBC: Firebreak

FBC: Firebreak

  • Hönnuður: Remedy Entertainment
  • Tölvur: PC, PS5, Xbox Series X|S
  • Útgáfudagur: 2025

FBC: Firebreak er fjölspilunar fyrstu persónu skotleikur sem gerist í heimi Control. Leikurinn býður upp á mikla samvinnu fyrir þrjá leikmenn sem þurfa að berjast gegn yfirnáttúrulegum óvinum innan The Oldest House.

Sjá nánari upplýsingar á Steam.

Project: Mist

Project: Mist

Project: Mist

  • Hönnuður: Chicken Launcher
  • Tölva: PC
  • Útgáfudagur: 12. maí

Nýr open world hrollvekjuleikur er á leiðinni.  Í Project: Mist notar þú fjölbreytt vopn til að berjast gegn risavöxnum óvinum, allt frá skepnum sem lifa neðansjávar til óhugnanlegra vera. Leikurinn gerist á eyju þar sem þú getur kannað landslagið að eigin vild, án þess að fylgja fyrirfram ákveðnum verkefnum eða leiðbeiningum. Til að lifa af þarftu að rækta mat, elda og smíða hluti ásamt því að sjá um bækistöðina þína. Ef þú saknar Half-Life, þá er líka þyngdarafl-byssa til staðar.

Nánari upplýsingar á Steam.

Doom: The Dark Ages

Doom: The Dark Ages

Doom: The Dark Ages

  • Hönnuður: id Software
  • Tölvur: PC, Xbox Series X|S, PS5
  • Útgáfudagur: 14. maí

Þegar nýr Doom leikur er á leiðinni, þá veistu að árið verður gott fyrir skotleiki!  Doom: The Dark Ages er forsaga atburðanna í Doom (2016) og Doom Eternal, þar sem Doom Slayer mætir öflum helvítis frá miðöldum.  Með nýjum búnaði, svo sem skjöld sem getur bæði varist árásum og framkvæmt banvæn högg, sem og risa vopnavél, er nýjasta verk id Software.

Nánari upplýsingar á Steam.

Revenge of the Savage Planet

Revenge of the Savage Planet Day

Revenge of the Savage Planet Day

  • Hönnuður: Raccoon Logic Studios Inc.
  • Tölvur: PC, Xbox Series X|S, Xbox One, PS5, PS4
  • Útgáfudagur: 15. maí 2025

Hér er litríkur vísindaskáld-leikur með miklum hasar, sem hægt er að spila bæði einn eða með vini í fjölspilun – hvort sem er á netinu eða við tölvuna.  Í Revenge of the Savage Planet ferðast þú á milli fjögurra mismunandi reikistjarna til að leita að leyndarmálum, kortleggja framandi plöntu- og dýralíf og kljást við hættulegar aðstæður.  Ef þú vilt leik sem tekur sig ekki of alvarlega og til að skapa ferska upplifun, þá er þetta leikur sem vert er að fylgjast með.

Nánari upplýsingar á Steam.

Kingmakers

Kingmakers

Kingmakers

  • Hönnuður: Redemption Road
  • Tölvur: PC
  • Útgáfudagur: 1. fjórðungur 2025

Hugmynd sem keyrð er út í öfgar: Kingmakers sýnir hóp hermanna úr framtíðinni sem ferðast aftur í miðaldir til að breyta sögunni.  Þetta þýðir að riddarar og bogmenn standa skyndilega andspænis skotvopnum, þyrlum, loftárásum og fleiru. Þetta verður þó ekki auðvelt verkefni, því leikurinn styður hundruð NPC-a samtímis, sem gerir bardagana áhugaverðari.  Allt að þrír leikmenn geta spilað saman og hver stjórnar sinni eigin herdeild í baráttu við óvini – ef þyrlurnar reynast ekki nægar.

Nánari upplýsingar á Steam.

Dying Light: The Beast

Dying Light: The Beast

Dying Light: The Beast

  • Hönnuður: Techland
  • Tölvur: PC, Xbox Series X|S, PS5
  • Útgáfudagur: Sumarið 2025

Upphaflega átti Dying Light: The Beast að vera viðbót við leikinn, en leikurinn hefur þróast í sjálfstæða sögu innan Dying Light alheimsins.  Þú spilar sem Kyle Crane og með parkour færni þinni ferðast þú um dreifbýli og iðnaðarsvæði og notar stökkkraft þinn og einstaka zombie-hæfileika til að lifa af.  Leikurinn styður fjögurra manna spil, svo þú getur sameinast vinum þínum í ævintýrinu. Ef þú átt Dying Light 2 Stay Human: Ultimate Edition, þá færðu leikinn ókeypis.

Nánari upplýsingar á Steam.

Mafia: The Old Country

Mafia: The Old Country

Mafia: The Old Country

  • Hönnuður: Hangar 13
  • Tölvur: PC, Xbox Series X|S, PS5
  • Útgáfudagur: Sumarið 2025

Við förum aftur í tímann með Mafia: The Old Country. Þessi forsaga fyrsta leiksins í seríunni setur þig í spor Enzo Favara, sem reynir að sanna sig fyrir Cosa Nostra mafíunni í Síkiley.  Leikurinn er byggður á ssama grunni og fyrri Mafia leikir, en áherslan er lögð á tímabil og trúverðugleika þess í öllu – frá vopnum til farartækja sem bera leikmanninn yfir sveitir og borgir. Til að auka dýpt í leikinn þá er raddsetning á sikileysku máli, sem dregur leikmenn enn frekar inn í söguna.

Nánari upplýsingar á Steam.

Arc Raiders

Arc Raiders

Arc Raiders

  • Hönnuður: Embark Studios
  • Tölvur: PC, Xbox Series X|S, PS5
  • Útgáfudagur: 2025

Extraction shooters halda áfram að þróast, og Arc Raiders bætir við nýju sjónarhorni með glæsilegum fjölspilunarleik til að kanna. Dularfull vélmenni ógna öllu lífi á yfirborðinu, og samfélög neyðast til að lifa neðanjarðar. Leikmenn, sem kallast Raiders, þurfa að safna vistum, byggja upp tengsl við söluaðila með því að leysa verkefni, og snúa aftur með herfang til að búa til betri búnað og uppfæra felustað sinn. En þú ert ekki einn í leitinni – aðrir ræningjar eru einnig að reyna að komast yfir verðmæti þín.

Nánari upplýsingar á Steam.

Splitgate 2

Splitgate 2

Splitgate 2

  • Hönnuður: 1047 Games
  • Tölvur: PC, Xbox Series X|S, Xbox One, PS5, PS4
  • Útgáfudagur: 2025

Ef þú saknar Portal, sem margir hverjir gera, þá gæti Splitgate 2 verið lausnin fyrir þig.  Leikurinn verður ókeypis (free to play) með nýjum kortum og vopnum.  Á meðal nýjunga er Multi-Team-Mayhem, þar sem 24 leikmenn keppa hver gegn öðrum á stóru korti.

Nánari upplýsingar á Steam.

Gears of War: E-Day

Gears of War: E-Day

Gears of War: E-Day

  • Hönnuður: The Coalition og People Can Fly
  • Tölvur: PC og Xbox Series X|S
  • Útgáfudagur: 2025

The Coalition sameinar krafta sína með People Can Fly, hönnunar-teyminu á bak við Gears of War: Judgment (2013), og bjóða upp á Gears of War: E-Day. Þessi forsaga gerist 14 árum fyrir atburði fyrsta Gears of War leiksins og fylgir upprunalegu aðalpersónunum, Marcus Fenix og Dominic Santiago, í nostalgísku ævintýri.  Enn eru ekki miklar upplýsingar um leikinn, en eitt er víst – upprunalegu raddleikararnir munu snúa aftur í hlutverk sín.

Nánari upplýsingar á Steam.

Metroid Prime 4: Beyond

Metroid Prime 4: Beyond

Metroid Prime 4: Beyond

  • Hönnuður: Retro Studios
  • Tölva: Nintendo Switch
  • Útgáfudagur: 2025

Árið 2025 gæti loksins orðið árið þar sem Samus Aran snýr aftur.  Leikurinn Metroid Prime 4: Beyond var tilkynnt af Nintendo á síðasta ári og er væntanlegur á þessu ári.  Takmarkaðar upplýsingar er um leikinn, en líklega munum við fá meiri upplýsingar á næstu mánuðum. Þó má gera ráð fyrir að leikurinn verði gefinn út á Switch 2, en Nintendo hefur ekki staðfest það enn. Í bili mun fyrsti Switch duga.

Nánari upplýsingar á Nintendo.

The Outer Worlds 2

The Outer Worlds 2

The Outer Worlds 2

  • Hönnuður: Obsidian Entertainment
  • Tölvur: PC, Xbox Series X|S, PS5
  • Útgáfudagur: 2025

Obsidian snýr aftur í The Outer Worlds með framhaldsleik.  The Outer Worlds 2 mun bjóða upp á ný svæði til að kanna, fjölbreytt vopn til að prófa og fleiri uppfærslur.  Skemmtilegur fítus hefur verið bætt við leikinn er þegar leikmaður kastar handsprengju og skýtur hana í miðju lofti til að framkalla sprengingu.

Nánari upplýsingar á Steam.

Exoborne

Exoborne

Exoborne

  • Hönnuður: Sharkmob AB
  • Tölvur: PC, Xbox Series X|S, Xbox One, PS5, PS4
  • Útgáfudagur: Óákveðið

Exoborne er skotleikur (extraction shooter) sem gerist í „open world“. Þú og liðið þitt þurfið að lifa af í hættulegu umhverfi þar sem óvinir og óútreiknanlegt veður skapar stöðugar áskoranir. Leikurinn notar öflugt veðrakerfi þar sem þú gætir óvænt þurft að takast á við fellibylji, storma og eldingu meðan þú safnar nauðsynjum.  Auk fjölbreyttra vopna, gefur Exoborne leikmönnum sérstakan exo-búning með sérhannaðri hleðslu, þar sem hægt er að nota til að búa til taktískar samsetningar sem nýta veðrið sér í hag.

Nánari upplýsingar á Steam.

Judas

Judas

Judas

  • Hönnuður: Ghost Story Games
  • Tölvur: PC, Xbox Series X|S, PS5
  • Útgáfudagur: Óákveðið

Ghost Story Games, undir forystu Ken Levine (System Shock 2, BioShock, BioShock Infinite), hefur unnið að Judas í nokkur ár.  Leikurinn ber greinileg áhrif frá BioShock, bæði í sjónrænum stíl og hæfileikum aðalpersónunnar, en Levine hefur staðfest að leikurinn muni innihalda roguelite-eiginleika, að auki mun leikmaðurinn þróa tengsl við þrjár lykilpersónur í gegnum sögu leiksins. Árið 2023 var tilkynnt að Judas myndi koma út fyrir mars 2025, en síðan þá hafa ekki komið neinar nýjar staðfestingar á dagsetningu.

Nánari upplýsingar á Steam.

Marathon

Marathon

Marathon

  • Hönnuður: Bungie
  • Tölvur: PC, Xbox Series X|S, PS5
  • Útgáfudagur: Óákveðið

Fyrstu persónu skotleikurinn Marathon er væntanlegur á þessu ári en allt er á huldu með dagsetningu. Þú spilar sem „runner“ sem kannar yfirgefna nýlendu á Tau Ceti IV, þar sem 30.000 manns hafa horfið sporlaust.  Enn eru fáar upplýsingar um leikinn, en Bungie ætlar að halda prufuspilun árið 2025.

Nánari upplýsingar á Steam.

Battlefield 6

Battlefield 2042

Battlefield 2042

  • Hönnuður: DICE
  • Tölvur: Ótilgreint
  • Útgáfudagur: Óákveðið

DICE hefur unnið að uppfærslu á Battlefield seríunnar í nokkur ár og árið 2025 gæti loksins afraksturinn litið dagsins ljós.  Eftir blandaðar viðtökur við Battlefield 2042, er Battlefield 6 (eða hvað sem leikurinn endar á að heita) að taka nýja stefnu.  Leikurinn mun gerast í nútímanum, en mun ekki innihalda 128 leikmannabardaga eða „Specialist“ persónur. Einnig gæti Battle Royale verið á boðstólnum, en við seljum það ekki dýrar en við keyptum það. Samkvæmt upplýsingum eSports.is gæti leikurinn komið út í október 2025.


Þetta eru aðeins nokkrir af þeim skotleikjum sem leikjaunnendur geta hlakkað til á þessu ári. Með fjölbreyttum leikjastílum og nýjungum lofa þessir titlar spennandi upplifun fyrir alla aðdáendur skotleikja.

Myndir: Steam – Amazon – Nintendo – Dice

Um Chef-Jack

Chef-Jack er matreiðslumaður að mennt og hefur verið með pennann á lofti til fjölda ára og skrifað mikið um tölvuleiki og allt sem snýr að Íslensku tölvuleikjasamfélaginu. Hægt er að hafa samband við Chef-Jack á netfangið: [email protected]
x

Check Also

inZOI

Frá framleiðendum PUBG kemur inZOI – Nýr leikur sem stefnir á að velta The Sims úr sessi

Krafton, þekkt fyrir PUBG, hefur ...