Einn dularfullur notandi á leikjaveitunni Steam – sá eini sem hefur skráð sig inn frá Norður-Kóreu í gegnum tíðina – vakti nýverið athygli þegar hann kom skyndilega aftur á netið eftir margra ára dvala.
Þetta atvik kveikti samstundis fjölda vangaveltna og brandara á samfélagsmiðlum. Sumir leikjafíklar fullyrða meira að segja – í hálfkæringi eða fullri alvöru – að leiðtogi Norður-Kóreu, Kim Jong Un, gæti sjálfur verið að spila hinn vinsæla leik Stellar Blade.
Sjá einnig: Stellar Blade loksins á PC – Útgáfudagur staðfestur og nýtt efni kynnt
Notandinn frá Norður-Kóreu tengdist Steam á ný
Steam, leikjaveita í eigu Valve, sýnir staðsetningu virkra notenda á sérstökum netkortum. Þar hefur um árabil birst einn notandi frá Norður-Kóreu – staðsettur í Pyongyang. Sá hefur stundum verið virkur í stuttum lotum en horfið svo aftur – með reglulegu millibili.
The only North Korean user is back guys
byu/AmulyaCattyCat inSteam
Fyrir fáeinum dögum hvarf þessi punktur tímabundið af kortinu, og notendur á Reddit tóku strax eftir því. Þá kviknaði gamansöm umræða: Hvert fór hann? Var hann tekinn af lífi? Eða… var hann einfaldlega upptekinn við annað? Þegar punkturinn birtist aftur nokkrum dögum síðar, virtist hann tengjast leiknum Stellar Blade – áhrifamiklum suður-kóreskum leik sem nýtur mikilla vinsælda á Steam þessa dagana.
Sjá einnig: Stellar Blade slær í gegn á Steam – næstvinsælasti PlayStation-leikurinn
Internetið spyr: Er Hinn Æðsti leiðtogi farinn að spila?
Fyndin tilgáta um að Kim Jong Un sjálfur gæti verið spilarinn fór eins og eldur um sinu á Reddit og öðrum samfélagsmiðlum. „The only North Korean Steam user is back, guys,“ skrifaði einn. Annar bætti við: „Kim’s like, ‘Wait! Stellar Blade launched on PC?’“
Hvort sem menn trúðu þessum spám eða ekki, má segja að viðbrögðin hafi verið bæði spaugileg og áhugaverð – enda sjaldgæft að sjá einhvern tengjast Steam frá einu lokaðasta ríki heims.
Hver er þessi notandi í raun?
Sérfræðingar telja afar ólíklegt að um almennan borgara sé að ræða. Aðgangur að netinu í Norður-Kóreu er afar takmarkaður og undir ströngu eftirliti stjórnvalda. Ýmislegt bendir til að notkunin tengist tækni- eða öryggisdeildum stjórnvalda og lúti rannsóknar- eða upplýsingaöflun. Líkur eru þó einnig á að þar sé einfaldlega á ferð einhver embættismaður eða forréttindahópur með aðgang að afar afmörkuðum hluta internetsins utan Norður-Kóreu
Hvort sá hinn sami hafi raunverulega verið að spila Stellar Blade – og hvort það hafi verið leiðtogi landsins sjálfur – verður þó seint staðfest. En atvikið vakti aftur athygli á því hversu óvenjulegt það er að sjá nokkurn einasta netnotanda frá Norður-Kóreu á opinberum vettvangi eins og Steam.
Efsta mynd: stellar-blade.com – Mynd af heimskorti: Reddit / Steam
