Counter-Strike senan hefur fengið aukna athygli síðustu misseri, einkum eftir að William “mezii” Merriman sigraði BLAST.tv Major-mótið í Austin. Nú hefur önnur CS2-frammistaða vakið heimsathygli – þó með gjörólíkum formerkjum.
Á úrslitakeppni UKIC Season 7 Masters mótsins lék breska blandliðið The Dominion gegn 8Sins. Þar varð hinn 17 ára Richard “log1ks” Bohunský óvænt að aðalspilari mótsins eftir ótrúlega misheppnaða lotu á mappinu Nuke.
Þar hófst sóknin frá “squeaky”-hurðinni með MAC‑10 vélbyssu í hönd – en í stað þess að tryggja liðinu yfirhöndina, drap log1ks tvo eigin liðsfélaga. Í kjölfarið hrundi sóknin, og endaði lotan með tapi, sem leiddi til 13–11 ósigurs í leiknum.
Atvikið náðist á myndband og fór eins og eldur um sinu á samfélagsmiðlum. Klippan náði yfir 500.000 áhorfum á X (áður Twitter), þar sem meðal annars CS2Universe og Ozzny_CS2 deildu henni. Þekktur Counter-Strike-framleiðandi, 3kliksphilip, birti myndband þar sem hann lýsti atvikinu sem “besta CS2 myndbandinu til þessa” – með augljósum háðstóni.
Snýr mistökunum sér í vil með kaldhæðni og húmor
Þrátt fyrir klaufalegt atvik hefur log1ks brugðist við af mikilli yfirvegun og húmor. Hann hefur birt spaugilegar færslur, deilt memum og jafnvel breytt prófíltexta sínum á X í:
„Já, ég er sá með MAC-10 á Nuke…“
PEOPLE ARE STARTING TO RECOGNIZE ME ON FACEIT 😭😭 pic.twitter.com/jn5lzA8t48
— MAC-10 Abuser (@log1ksss) July 5, 2025
Í annarri færslu sagði hann, með kaldhæðni:
“Fólk er farið að þekkja mig á FACEIT.”
Það hefur vakið sérstaka athygli að log1ks sé talinn vera með hæstu einkunn allra liðsfélaga sinna á FACEIT, og sýnir það að þrátt fyrir einstaka mistök býr hann yfir verulegum hæfileikum sem efnilegur leikmaður.
Höfundur Counter-Strike: „Það er gott að sjá einhvern spila verr en ég“
it’s nice to know there’s someone else that played nuke worse than I did during the showmatch
— Minh Le (@GoosemanCS) July 6, 2025
Óvænt viðbrögð bárust frá Minh “Gooseman” Le, einum af upphaflegum höfundum Counter-Strike, sem tjáði sig undir myndbandi 3kliksphilip á X. Þar sagði hann:
„Gott að vita að einhver hafi spilað Nuke verr en ég gerði.“
Gooseman hafði sjálfur tekið þátt í skemmtilegum „showmatch“ leik á BLAST.tv Austin, þó hvergi nærri eins slæm tölfræði og sá sem verst stóð sig í leiknum, hinn þýski Mark „ohnepixel“ Zimmerman, sem lauk leik með 4–20 og einungis 24 ADR.
Þetta atvik sýnir að jafnvel minnstu mistök í keppnisleikjum geta orðið að alþjóðlegum umræðuefni – og að viðhorf leikmanna skiptir miklu. Með jákvæðni og húmor hefur log1ks náð að snúa klaufaskap sínum í samfélagslega skemmtun og sýnt að stærstu sigrarnir í eSports liggja ekki alltaf í stigatöflunni, heldur í viðmóti og persónuleika.
Mynd: skjáskot úr myndbandi
