Tölvuleikjafyrirtækið Wargaming, þekktust fyrir World of Tanks og World of Warships, hefur tilkynnt að netleikurinn Steel Hunters, nýjasti skotleikur fyrirtækisins með vélmennaþema, verði lagður niður hinn 8. október næstkomandi.
Leikurinn kom út í svonefndri „Early Access“ útgáfu þann 2. apríl 2025 og hefur því einungis verið í loftinu í tæpa þrjá mánuði.
Steel Hunters var settur fram sem ókeypis „PvPvE“ fjölspilunarleikur þar sem leikmenn stýra risavöxnum vélmennum í stórum og fjölbreyttum bardögum — bæði gegn öðrum leikmönnum og óvinum. Þrátt fyrir metnaðarfullar hugmyndir og sterkt bakland náði leikurinn aldrei að festa sig í sessi meðal spilara.
Samkvæmt tölfræði frá Steam náði leikurinn hámarki með um 4.500 virka spilara snemma í apríl, en hefur síðan þá fallið niður í innan við 100 virka notendur. Umsagnir á leikjaveitunni bera þess einnig merki: einungis um 57% notenda gefa jákvæða einkunn, sem setur hann í flokki „blandaðra“ leikja.
Wargaming: „Ekki lengur sjálfbært“
Í opinberri tilkynningu viðurkennir Wargaming að rekstur og áframhaldandi þróun leiksins sé einfaldlega ekki sjálfbær.
„Við komumst að þeirri niðurstöðu að halda þróun áfram væri ekki lengur raunhæft eða ábyrgt,“
segir í yfirlýsingu frá fyrirtækinu.
Þrátt fyrir endalok verkefnisins hyggst Wargaming veita spilurum tækifæri til að kveðja leikinn með reisn. Þjónusta heldur áfram til 8. október, og í millitíðinni verða gerðar nokkrar breytingar til að gera lokasprettinn eftirminnilegan:
- Öll vélmenni („Hunters“) verða opnuð fyrir alla spilara, þar á meðal einingar sem ekki höfðu verið opinberaðar.
- Ccustom games: verða virkjaðir, svo spilendur geti skipulagt eigin viðburði og lokaátök.
- Kveðjukeppni verður haldin, þar sem samfélagið fær að taka þátt í síðasta stóra bardaganum áður en slökkt verður á netþjónunum.
Fall Steel Hunters endurspeglar hversu erfitt getur verið að koma nýju fjölspilunarleik á legg, jafnvel þegar öflug fyrirtæki eins og Wargaming standa að baki. Þrátt fyrir öflugan tæknilegan grunn og áhugavert þema náði leikurinn ekki að halda áhuga leikmanna, og leiðréttingar skiluðu ekki tilætluðum árangri.
Fyrir þá sem vildu kanna leikinn en náðu því ekki, gefst nú síðasta tækifærið til að prófa hann með fullum aðgangi að öllu innihaldi – áður en síðasta skotinu verður hleypt af í október.
Myndir: Steam / Steel Hunters
