Author: Chef-Jack

ESL hefur opinberað liðalista fyrir IEM Chengdu 2025 sem fram fer í Kína dagana 3. til 9. nóvember. Þar mætast sextán af sterkustu liðum heims í Counter-Strike á einu síðasta stórmóti ársins. Eftirfarandi lið hafa tryggt sér sæti á mótinu: FaZe Clan Natus Vincere (NAVI) Astralis MOUZ Team Falcons F2 Esports Lynn Vision 3DMAX HEROIC Virtus.pro Team Spirit Team Vitality FURIA Esports pAIN Gaming The MongolZ TYLOO Í tilkynningu frá ESL kemur fram að keppnin hefst með riðlakeppni sem leikinn verður í tvöföldu útsláttarfyrirkomulagi (BO3) dagana 3. til 6. nóvember. Sex bestu liðin halda svo áfram í úrslitakeppni sem fram…

GTSIceland (rafíþróttadeild í kappakstursleikjum) hefur gert stórt skref fram á við með nýju samstarfi við Gametíví og Senu sem mun styrkja bæði gæði útsendinga og upplifun fyrir áhorfendur á keppnum í úrvalsdeild í vetur. Gametíví mun lána GTSIceland stúdíóið sitt í Arena fyrir allar keppnir úrvalsdeildarinnar, en aðstaðan var þegar nýtt með góðum árangri á síðasta keppnistímabili í opnu og 2. deild. Þetta samstarf er talið jafngilda því að stíga aftur upp á gæðastigið sem GTSIceland bauð áður upp á í samvinnu við RÍSÍ. Þar verða hljóð- og myndgæði til fyrirmyndar, auk þess sem notkun OBS gefur möguleika á öflugra…

Team Falcons tryggði sér annan sigur í röð í Club Championship á Esports World Cup í Riyadh, Saudi Arabíu, og hlaut sjö milljónir dollara í verðlaun sem jafngildir um 900 milljónum íslenskra króna. En á sama tíma hafa vaknað spurningar um sanngirni og hlutleysi mótsins. Greiddir stuðningsmenn „Superfans“, sem fengnir voru til að hvetja áhorfendur, segja að stuðningur hafi verið stilltur í þágu Falcons. Einn var bannaður fyrir að halda á skilti með orðinu „king“, þar sem það þótti viðkvæmt í ljósi þess að konungurinn er æðsti leiðtogi Sádi-Arabíu. Leikmenn Aurora kvörtuðu jafnframt yfir því að leysigeislar hefðu verið notaðir…

Stór skref hafa verið tekin í ritskoðun tölvuleikja á alþjóðavettvangi. Greiðslumiðlunarfyrirtæki hafa undanfarna mánuði þrýst á dreifingaraðila eins og Steam og Itch.io til að fjarlægja hundruð fullorðinsleikja, að frumkvæði samtakanna Collective Shout. Á sama tíma hafa gögn bent til þess að þessi þróun tengist pólitísku átaki í Bandaríkjunum, svonefndu Project 2025. Þar er stefnt að víðtækri íhaldsstefnu í bandarísk lög, allt frá massabrottvísunum innflytjenda til afnáms fjölbreytni- og jafnréttisáætlana. Í skjölum verkefnisins er einnig kveðið á um að banna klám og loka fyrirtækjum sem veita aðgang að slíku efni. Titlar á borð við Grand Theft Auto og Saints Row eru…

Undirbúningur fyrir Icelandic PUBG League (IPL) er kominn á lokasprettinn, en deildin markar upphaf nýrrar keppnislotu í PUBG á Íslandi. Um er að ræða fyrsta mót af fjórum í nýrri GameTíVí-deild sem boðar spennandi vetrarvertíð fyrir leikinn. Nú þegar hafa 15 lið tryggt sér sæti í mótinu, en skráning stendur enn yfir. Stefnt er að 18 liðum, en mótið fer fram þrátt fyrir að sú tala náist ekki að fullu. Upphafskvöldið fer fram 31. ágúst og hefst klukkan 20:00 með sex spennandi leikjum, en verðlaun verða í boði í hverju móti fyrir sig. Á heimasíðu IPL má finna allar helstu…

Tölvuleikurinn Mafia: The Old Country hefur vart verið á markaði lengi þegar fyrstu mods birtust á Nexus Mods. Þar á meðal voru tvö mods sem gerðu leikmönnum kleift að sjá Isabella Torrisi, dóttur Don Torrisi, í klæðalítilli mynd. Mods-in, sem báru heitin Nude Isabella og Extended Textures for Nude Isabella, voru unnin af notandanum norskpl. Í ágúst brugðust lögfræðingar Take-Two Interactive við með formlegri DMCA-kröfu þar sem krafist var að mods-in yrðu tafarlaust fjarlægð. Í kröfunni var vísað til þess að breytingarnar snertu líkan leikarans á áberandi hátt, meðal annars stærð og útlit brjósta og aðrar útfærslur sem vekja siðferðilega…

FIA, Alþjóðlega akstursíþróttasambandið, hefur tilkynnt að heimsmeistaramót FIA í karting, betur þekkt sem gokart á Íslandi, árið 2025 verði í fyrsta sinn með rafíþróttaviðburð á dagskrá. Viðburðurinn verður haldinn í Kristianstad í Svíþjóð dagana 11. til 14. september 2025 og er skipulagður af sænska akstursíþróttasambandinu. Markmiðið er að sýna fram á hvernig keppni í hermibúnaði geti verið raunhæfur farvegur inn í akstursíþróttir, en keppt verður á iRacing kerfinu í sýndarútgáfum af FIA F4 kappakstursbílum. Þeir hafa þegar sannað sig í rafíþróttum, meðal annars í FIA F4 Global Esports Championship sem sneri aftur síðastliðið sumar. Keppnin er opin öllum sem hafa…

Það var söguleg stund í Counter-Strike 2 á Esports World Cup 2025 þegar mongólska liðið The Mongolz tryggði sér sigur í úrslitum gegn Aurora Gaming. Með því bætist liðið í hóp þeirra félaga sem unnið hafa meistaratitil á mótinu, en mótið fór fram í Riyadh í Sádi-Arabíu. Ótrúleg leið að toppnum Keppnin var hörð og miskunnarlaus, þar sem ein töpuð viðureign þýddi endalok. The Mongolz, sem hófu mótið sem fjórða styrkleikalið, byrjuðu á öruggum sigri gegn Gamer Legion. Í átta liða úrslitum áttu þeir í harðri viðureign við 3DMAX, misstu einn leik en svöruðu fyrir sig á Nuke þar sem…

Rafíþróttasamband Íslands (RÍSÍ) tekur þátt í fjölmörgum samstarfsverkefnum með evrópskum aðilum. Nú leitar sambandið eftir þátttakendum til að svara könnunum sem tengjast þessum verkefnum, en um er að ræða stuttar spurningar sem einungis taka örfáar mínútur að svara. Kannanirnar varða margvísleg og mikilvæg málefni, meðal annars áhuga á tölvuleikjum, geðheilbrigði ungmenna og notkun sýndarveruleika (VR). Fyrsta könnunin (taka þátt hér) beinist að því hvernig nýta megi tölvuleiki sem verkfæri til að efla tengsl milli einstaklinga, sérstaklega þeirra sem standa á tímamótum í lífinu. Önnur könnunin (taka þátt hér) tengist verkefni sem skoðar notkun ungmenna á VR og áhuga þeirra á…

Í gær kom íslenska Rocket League samfélagið saman til að minnast Árna Fannars Aðalsteinssonar, betur þekktur sem Arconix96, sem lést langt um aldur fram. Haldið var sérstakt minningamót þar sem vinir, félagar og keppnisfélagar hans sameinuðust í leiknum sem hann hafði svo mikla ástríðu fyrir. Bein útsending fór fram á Twitch-rás RLÍS, þar sem áhorfendur gátu fylgst með leikjunum, andrúmsloftinu og þeirri stemningu sem ríkti á mótinu. Samanlagt tóku tíu lið þátt og keppt var í Rumble, sem var uppáhalds gamemode Árna Fannars. Úrslit réðust á dramatískan hátt þegar Danni Djús og Robo, einnig þekktur sem NjósnaUglan, tryggðu sér sigur…