Jórdanski rifillinn Mohammad „BOROS“ Malhas hefur gengið til liðs við kínverska CS2 liðið JiJieHao, samkvæmt tilkynningu frá félaginu í dag, mánudaginn 24. febrúar 2025, sem að hltv.org vekur athygli á.
BOROS hafði áður leikið með liðum eins og Monte og Falcons og hafði verið án liðs síðan í október, þegar hann yfirgaf Into the Breach eftir stuttan tíma á bekknum.
BOROS lék nýlega sem staðgengill fyrir JiJieHao í 0-2 tapi gegn SINNERS í ESL Challenger deildinni. Hann kemur nú í stað samlanda síns, Issa „ISSAA“ Murad, sem hefur verið settur á bekkinn. Í tilkynningu á samfélagsmiðlinum X (áður Twitter) sagði JiJieHao að þessi breyting væri gerð til að
„gera réttar aðlaganir til að hjálpa liðinu að komast áfram á komandi mótum.“
JiJieHao hefur átt erfitt uppdráttar undanfarið, án sigra í ESL Challenger deildinni og nýlega dottið út úr lokaúrtökumóti fyrir BLAST Rising Asia í 9.-12. sæti eftir tap gegn Rare Atom og Fated Rise.
Nýja liðið mun keppa í MENA lokaúrtökumótinu fyrir MESA Asian Masters, sem er stúdíómót í Ulaanbaatar, Mongólíu, og mun virka sem úrtökumót fyrir PGL Bucharest 2025.
Með þessari breytingu lítur liðsskipan JiJieHao nú svona út:
- Hussein „m1N1“ Hijazi (Líbanon)
- Denislav „dennyslaw“ Dimitrov (Búlgaría)
- Áron „Aaron“ Homoki (Ungverjaland)
- Bebu „Bibu“ Aadil (Írak)
- Mohammad „BOROS“ Malhas (Jórdanía)
Á bekknum eru:
- Markus „Kjaerbye“ Kjærbye (Danmörk)
- Issa „ISSAA“ Murad (Jórdanía)
Aðdáendur vonast til að með komu BOROS muni JiJieHao ná betri árangri á komandi mótum.
We’re beyond excited to welcome @boroscs to the team! 🔥
After some tough moments, we’ve decided to make a change: Boros is stepping in, bringing fresh energy and potential to the lineup, while Issaa moves to the bench.
This shift is about making the right adjustments to help… pic.twitter.com/KzltV71Ecl— JIJIEHAO CS2 (@jijiehaocs2) February 24, 2025
Mynd: x.com / JIJIEHAO CS2
