Þróunarteymið á bak við Code Violet tilkynnti í frradag að leikurinn sé kominn á það stig að lokagerð hans sé tilbúin og útgáfuferlið hafið. Samhliða gleðifréttunum fylgdu þó nokkrar skýringar á tæknilegum vandamálum sem komu upp á síðari stigum og höfðu áhrif á kynningaráætlunina.
Á meðan á vottunarferlinu stóð komu upp þrálát vandamál sem snéru að réttindum og opnun aukahluta fyrir forpöntunar- og Deluxe útgáfur leiksins. Fjórir þróunaraðilar unnu langar vaktir vikum saman við að finna lausn, sem leiddi til þess að birting leiktraila, kynningarefnis og rýnikóða seinkaði.
Teymið stóð á endanum frammi fyrir tveimur leiðum. Að fresta útgáfunni um nokkra mánuði eða að færa leikinn yfir í eina sameinaða útgáfu þar sem öll fríðindi fylgja með. Valin var síðari leiðin og mun Code Violet því koma út í einni útgáfu sem inniheldur öll þau atriði sem áður voru bundin við forpöntun og Deluxe pakka.
Við yfirfærsluna komu upp nokkur vandamál á sölulausnum, en Sony hefur að sögn verið afar samvinnuþýtt við að leysa úr málinu. Kaupendur sem höfðu tryggt sér Deluxe útgáfuna fá fulla endurgreiðslu og geta síðar keypt staðlaða útgáfuna, þar sem þeir fá engu að síður öll fríðindi.
Forpantanir hafa verið sterkar og leikurinn hefur haldið sér í 6. til 7. sæti á sölulistum undanfarnar vikur. Teymið segir þetta vera hvatningu til að klára verkið af kostgæfni og skila leik sem beri með sér þá nostalgíu og sérstöðu sem hefur verið innblástur verkefnisins frá upphafi.
Útgáfudagur stendur nú fastur. Code Violet kemur út 10. janúar 2026. Þróunarteymið viðurkennir að seinkunin sé óheppileg, en segir hana nauðsynlega til að tryggja hnökralausa og tryggja að leikurinn fari af stað án hnökra.
Að lokum kemur fram að nýir trailerar og gameplay myndbönd verða birt á næstu dögum, ásamt frekari upplýsingum um yfirfærsluna í verslunum. Leikurinn kemur fyrst út á PlayStation 5.
We are thrilled to announce that Code Violet has gone GOLD as we put the final polish on the game ahead of release. We have some exciting news to share—and, unfortunately, a bit of a hiccup along the way.
During certification, we hit some stubborn technical roadblocks related to… pic.twitter.com/UYgGkULEcF
— TeamKill Media (@TeamKillMedia) December 3, 2025
Myndir: teamkillmedia.com
