Á Skjálfta var stigið inn í heim hins sígilda bardagaleiks Guilty Gear Strive, þar sem hver rammi skiptir máli og eitt kombó getur ráðið öllu. Að þessu sinni reyndist enginn eiga roð í Alex Örn Hrólfsson, sem tryggði sér fyrsta sætið eftir æsispennandi viðureignir.
Guilty Gear Strive er leikur sem hefur um árabil notið vinsælda meðal ástríðufullra bardagaspilara um heim allan, en hann er þekktur fyrir að blanda saman öfgafullum hasar, háu tempói og listilega hönnuðum persónum sem hver um sig krefst nákvæmrar leikni. Það var ekkert „neutral“, bara hreint setplay frá upphafi til enda.
Alex Örn sýndi bæði seiglu og yfirvegun þegar mest á reyndi, nýtti sér veikleika andstæðinga og setti niður skothelda kombó sem tryggðu honum sigurinn. Hann skrifar sig þar með inn í sögu Skjálfta sem einn af meisturum bardagaleikja á Íslandi, í þeim flokki þar sem aðeins bestu spilararnir ná að láta til sín taka.
Skjálfti hefur í gegnum tíðina verið vettvangur fyrir fjölbreytta leiki og sýnir að íslenska rafíþróttasenan er ekki bundin við hina hefðbundnu stórtitla, heldur gefur einnig rými fyrir leikina sem krefjast skapandi hugsunar og óbilandi æfingar.
Með sigri sínum í Guilty Gear Strive staðfesti Alex Örn að leikurinn á sér tryggan grunn hér á landi.
Mynd: Atli / Rafíþróttasamband Íslands
