Close Menu
    Alliance rúllar yfir Metizport og vinnur sænsku bikarkeppnina í CS2
    Leikmenn Alliance fagna innilega eftir sannfærandi sigur í sænsku bikarkeppninni í CS2
    Rafíþróttir - Lan-, online mót

    Alliance rúllar yfir Metizport og vinnur sænsku bikarkeppnina í CS2

    2 mín lestur
    Alliance rúllar yfir Metizport og vinnur sænsku bikarkeppnina í CS2
    Leikmenn Alliance fagna innilega eftir sannfærandi sigur í sænsku bikarkeppninni í CS2

    Alliance tryggði sér sannfærandi sigur í Svenska Cupen 2025 í Counter‑Strike 2 nú um helgina með 3–0 úrslitum gegn Metizport og hirti um leið 101.500 sænskar krónur (um 1.362.000 íslenskar krónur) í verðlaunafé ásamt dýrmætum VRS-stigum.

    Uppskeran skilaði liðinu upp í 45. sæti á heimslistanum og undirstrikar jafnframt yfirburði þeirra á sænsku CS2-senunni þessa helgi.

    Úrslitaleikurinn var spilaður sem Best of 5 en reyndist aldrei verða meira en þriggja korta verkefni fyrir Alliance sem vann bæði án taps og án þess að Metizport næði tvöföldum tölum í lotum á nokkru þeirra. Fyrsta kortið, Inferno, snerist strax Alliance í vil þar sem liðið sýndi sterka T-hlið, náði 9–3 forskoti og innsiglaði sigurinn 13–9 þrátt fyrir nokkrar varnar­lotur Metizport í lokin.

    Á Overpass var sagan svipuð. Alliance tók 8–4 forystu á CT-hlið, vann pistol-lotuna í seinni hálfleik og hélt stöðugum dampi þar til 13–7 og annað kortið var í höfn. Metizport þurfti því nauðsynlega sigur á Ancient til að halda lífi í úrslitaleiknum en Alliance lét ekki deigann síga. Enn á ný tók liðið 8–4 forskot í fyrri hálfleik á T-hlið og lokaði svo leiknum af öryggi, 13–7, rétt eins og á kortinu á undan.

    Lokaniðurstaðan var því afgerandi 3–0 fyrir Alliance sem fékk fyrir vikið 1.362.000 krónur og ríflega VRS-stig í farteskið. Metizport hlaut 47.500 sænskar krónur (um 637.000 krónur) fyrir annað sætið, EYEBALLERS 34.000 sænskar krónur (um 456.000 krónur) fyrir þriðja sætið og Johnny Speeds 8.500 sænskar krónur (um 114.000 krónur) fyrir fjórða sætið.

    Að lokum deildu southern lights og megoshort fimmta sæti með 3.400 sænskar krónur (um 46.000 krónur) hvor og FUT Academy og Lilmix skiptu með sér sjöunda sæti með 2.500 sænskar krónur (um 33.500 krónur) hvor.

    Mynd: x.com / Alliance kelly

    Deila

    Chef-Jack er menntaður matreiðslumaður sem hefur frá árinu 2008 haldið úti vefnum esports.is, þar sem hann birtir greinar og fréttir tengdar rafíþróttum og leikjamenningu, bæði á Íslandi og erlendis. Vefurinn hefur frá upphafi verið mikilvægur vettvangur fyrir upplýsingamiðlun og umræðu um þróun rafíþrótta og tölvuleikjamenningar. Hægt er að hafa samband við Chef-Jack á netfangið: [email protected]

    Tengdar færslur