Áhorfendur geta stillt sig inn á rafræna leikvanginn þegar GameTíví heldur sitt árlega FC mót í kvöld klukkan 20 á Twitch-rásinni GameTiviis.
Spennan er rafmögnuð og spurningarnar brenna á vörum allra. Lærir Dói loksins á hlaupatakkann eða verður hann enn fastur í varnarleiknum? Mun Óli Jóels sanna yfirburði sína og taka leikinn? Eða rís Tasty upp og valtar yfir félaga sína líkt og enginn sé morgundagurinn? Þá má heldur ekki afskrifa Monty sem getur með einu marki breytt öllu – ef hann nær að setja boltann í netið.
Viðburðurinn er orðinn fastur liður í dagskrá GameTíví og sameinar leikgleði, keppnisskap og hlátur í jafn stórum skömmtum. Stuðningsmenn eru hvattir til að fylgjast með, taka þátt í spjallinu og fylgja hverju augnabliki í beinni útsendingu.
