Íslenska Gran Turismo samfélagið á Facebook hefur opinberað lokaúrslit vortímabilsins 2025 í bæði 1. deild og Opnu deild eftir æsispennandi lokaumferð á hinu margfræga Nürburgring Nordschleife, einnig þekkt sem „Græna Helvítið“.
1. Deild – Lokaúrslit og samantekt
Átta umferðir voru keyrðar í 1. Deild á tímabilinu og var síðasta keppnin stórkostlegur tveggja tíma þolakstur. Þar var ekkert gefið eftir og staðan á brautinni breyttist sífellt þegar ökumenn gerðu mistök í erfiðum aðstæðum.
Úrslit í lokaumferð:
1. sæti: Viktor Örn Einarsson
2. sæti: Dimmi Nikolov
3. sæti: Alex Þór Geirsson
Hraðasti hringur: Viktor Örn Einarsson
Ráspóll: Alex Þór Geirsson
Keppnin var lýst af Jón B. og Gunna og má horfa á hana í heild sinni hér:
Keppnissamantekt í boði Gunna:
Tímatökurnar gáfu fyrirheit um gríðarlega spennandi keppni þar sem aðeins 0,2 sekúndur skildu Alex Þór Geirsson og Dimma Nikolov að, á braut þar sem einn hringur tekur yfir sex og hálfa mínútu. Alex Þór náði ráspólnum en mistök snemma í keppninni opnuðu Dimma leiðina að forystu. Flestir keppendur reyndu sig við fimm stopp á hörðum dekkjum en erfið aðstæða á braut og mistök urðu mörgum að falli.
Það var þó Viktor Örn sem stóð uppi sem sigurvegari að lokum, eftir að hafa nýtt sér mistök annarra og sýnt þrautseigju á millihörðum dekkjum. Hann hækkaði sig um sex sæti í keppninni og vann með rúmlega 40 sekúndna forskoti. Dimmi náði öðru sætinu en Alex Þór hafnaði í því þriðja eftir harða baráttu.
Lokastaða ökumanna í 1. Deild:
Alex Þór Geirsson – Deildarmeistari!
Dimmi Nikolov
Ársæll Guðmundsson
Ársæll tryggði sér bronsverðlaunin með aðeins þriggja stiga forskoti á Brynjar, sem skilaði honum einnig sæti í Úrvalsdeild næsta tímabils.
Lokastaða liða í 1. Deild:
MS/TRB Racing (Bláir)
Lava Show Racing Team
MS/TRB Racing (Svartir)
Engin kæra barst til dómnefndar eftir keppnina. Aðstandendur lýstu yfir mikilli ánægju með tímabilið og hlakka til að sjá keppendur aftur í sumar og næsta haust.
Staða ökumanna uppfærð á vefsíðu: GTS Iceland – Tier 2 Standings
Opna Deildin – Lokaúrslit og samantekt
Í Opnu Deildinni lauk keppnisárinu einnig á Nordschleife, þar sem 60 mínútna keppni fór fram. Rásröðin var ákvörðuð út frá stigatöflunni frekar en tímatökum.
Úrslit í lokaumferð:
1. sæti: Thorfinnur Karlsson
2. sæti: Hannes Jóhannsson
3. sæti: Jón Ægir Baldursson
Hraðasti hringur: Hannes Jóhannsson
Ráspóll: Jón Ægir Baldursson
Keppnin var lýst af Dodda og Magga og hægt er að horfa á upptökuna hér:
Keppnissamantekt í boði Magga:
Sterk mæting var í lokaumferðina, þar sem 12 keppendur öttu kappi á hinni krefjandi braut. Þorfinnur Karlsson sýndi strax á fyrsta hring að hann ætlaði sér í fremstu röð, eftir að hafa byrjað fimmti á ráslínu. Með góðum akstri og réttu bílavali – Toyota Supra – náði hann að sigra sína þriðju keppni á tímabilinu. Hannes Jóhannsson fylgdi honum fast á eftir og Jón Ægir tryggði sér þriðja sætið.
Bergur Geirs lenti í töluverðum óhöppum á brautinni en barátta og keppnisskap allra keppenda var til fyrirmyndar.
Lokastaða ökumanna í Opnu Deildinni:
Jón Ægir Baldursson – Deildarmeistari!
Jón Valdimarsson
Hannes Jóhannsson
Munurinn á þriðja sæti var einungis eitt stig, þar sem Hannes tryggði sér bronsið með hraðasta hring tímabilsins á síðasta hring keppninnar.
Lokastaða liða í Opnu Deildinni:
MS/TRB Racing
Lava Show Racing Team
Be Sick Racing
Engin kæra barst til dómnefndar eftir keppnina. Íslenska Gran Turismo samfélagið þakkar öllum sem tóku þátt í vetur og hlakkar til sumartímabilsins og nýs keppnisárs næsta haust.
Staða ökumanna uppfærð á vefsíðu: GTS Iceland – Tier 4 Standings
Mynd: Íslenska Gran Turismo samfélagið
