esports.is Íslenska leikjasamfélagið
Í nýjustu Pokémon Presents kynningunni sem fór fram 27. febrúar s.l., kynnti The Pokémon Company nýjan leik sem ber heitið Pokémon Champions. Leikurinn leggur áherslu á fjölspilara bardaga og mun sameina helstu þætti bardagakerfisins sem aðdáendur Pokémon-seríunnar þekkja og elska.
Hvað er Pokémon Champions?
Pokémon Champions er bardaga leikur þar sem spilarar keppa sín á milli með uppáhalds Pokémon sínum. Leikurinn kemur bæði út á Nintendo Switch og farsímum, og mun styðja spilun á milli þessara stýrikerfa (cross-play).
Leikurinn er hannaður með það í huga að höfða til bæði reynslumikilla Pokémon-þjálfara og nýrra spilara sem vilja læra á bardagakerfið á skemmtilegan og aðgengilegan hátt.
Hefðbundnar Pokémon-aðferðir í nýju umhverfi
Pokémon Champions heldur í margar af þeim klassísku aðferðum sem hafa mótað keppnisleikinn í Pokémon í gegnum árin:
– Tegundir Pokémon (Type System) – Þar sem mismunandi Pokémon eru sterkir eða veikir gegn ákveðnum tegundum.
– Hæfileikar (Abilities) – Sérstakir hæfileikar sem Pokémon búa yfir og geta nýst þeim í keppni.
– Hreyfingar (Moves) – Pokémon nota fjórar hreyfingar í bardaga, rétt eins og í aðalseríunni.
Með þessum kerfum verður hægt að þróa fjölbreyttar keppnisleiðir og skapa sterkt metagame þar sem spilarar finna sína eigin leið til sigurs.
Pokémon Champions
Pokémon úr eldri leikjum koma með í slaginn
Einn mikilvægasti þátturinn í Pokémon Champions er að spilarar geta flutt Pokémon úr Pokémon HOME til að nota í bardögum. Þetta þýðir að þeir sem hafa safnað Pokémon í öðrum leikjum, eins og Pokémon Scarlet & Violet, geta notað þá í Champions.
Hins vegar er ekki hægt að flytja alla Pokémon yfir – aðeins valdir Pokémon verða aðgengilegir. Að auki geta Pokémon sem eru fangaðir í Pokémon Champions ekki verið fluttir aftur í Pokémon HOME, sem sýnir að leikurinn mun hafa sínar eigin reglur og jafnvægisstillingar fyrir keppnisleikinn.
Ýmsir spilunarkostir og keppnir
Pokémon Champions býður upp á mismunandi spilunarksti sem henta bæði afslöppuðum spilurum og þeim sem vilja leggja áherslu á keppni:
– Venjulegir bardagar (Casual Battles) – Fyrir þá sem vilja spila frjálslega og prófa nýjar stefnur.
– Keppnisbardagar (Ranked Battles) – Keppnismótaröð þar sem spilarar geta unnið sér inn stig og klifrað upp í stigatöflum.
– Vinabardagar (Friend Matches) – Spilarar geta boðið vinum sínum í bardaga án þess að það hafi áhrif á stig þeirra.
– Viðburðir og mót – Pokémon Company hefur gefið í skyn að sérstök online-mót verði hluti af leiknum, líkt og Pokémon World Championships.
Útgáfa og væntingar
Pokémon Champions er enn í þróun, og ekki hefur verið tilkynnt um formlegan útgáfudag. Þrátt fyrir það hafa aðdáendur þegar hafið vangaveltur um það hvernig leikurinn muni passa inn í keppnismódel Pokémon-seríunnar og hvaða Pokémon verði tiltækir.
Þetta er áhugaverð stefna fyrir Pokémon-seríuna, sérstaklega þar sem flestir bjuggust við frekari upplýsingum um Pokémon Legends: Z-A, sem var einnig tilkynnt í sama viðburði.
Með Pokémon Champions virðist The Pokémon Company vilja búa til sterkan vettvang fyrir keppnisbardaga, sem gæti orðið lykilþáttur í framtíð Pokémon-keppnanna.
Kynningarmyndband
Í meðfylgjandi kynningarmyndbandi er hægt að sjá Pokémon Champions í action.
Mynd: champions.pokemon.com
