Rafíþróttasamband Íslands hafa opnað fyrir skráningu á næsta grunnnámskeiði í rafíþróttaþjálfun sem fer fram í Stórhöfða 31 í Reykjavík. Námskeiðið er haldið laugardaginn 30. nóvember og stendur frá klukkan 13 til 17 þar sem þátttakendur fá yfirgripsmikla innsýn í fagleg vinnubrögð, undirbúning og hlutverk þjálfara í nútímalegu rafíþróttaumhverfi.
Á námskeiðinu er farið yfir lykilhugtök í þjálfun, líkamlega hreyfingu og mikilvægi heildræns stuðnings við iðkendur. Einnig verður fjallað um eðli rafíþrótta, hlutverk og ábyrgð þjálfara og hvernig best er að vinna með foreldrum og leikmönnum. Lögð er áhersla á að byggja upp góðar æfingar, skapa jákvætt umhverfi og móta sterka félagslega tengingu innan liða.
Námskeiðið er kennt af Ólafi Hrafni Steinarssyni sem er einn reynslumesti rafíþróttaþjálfari landsins. Hann hefur starfað lengi við þjálfun og uppbyggingu rafíþróttaumhverfis og leiðir þátttakendur í gegnum bæði fræðilega og hagnýta þætti námskeiðsins. Að lokinni dagskrá ættu þátttakendur að vera vel undirbúnir til að takast á við þjálfun í rafíþróttum og allt sem henni tengist.
Verð námskeiðsins er 24.900 krónur og minna samtökin á að fjölmörg stéttarfélög bjóða niðurgreiðslur sem geta lækkað kostnað verulega fyrir þátttakendur.
Skráning er þegar hafin og hægt er að skrá sig með því að smella hér. Rafíþróttasamtök Íslands hvetja alla áhugasama til að tryggja sér pláss tímanlega.
Mynd: www.rafithrottir.is
