Bakvið Alliance Tournament stendur öflugt og fjölbreytt teymi CCP Games – með ástríðu fyrir leiknum og djúpa þekkingu á öllu sem tengist EVE Online.
CCP Games hefur tilkynnt um endurkomu Alliance Tournament XXI, einnar elstu og virtustu keppni í heimi EVE Online. Þar takast öflugustu bandalög leiksins á í taktískum bardögum þar sem skipulag, leikni og útsjónarsemi ráða úrslitum. Mótið fer fram í október og verður í beinni útsendingu frá höfuðstöðvum CCP í Reykjavík.
Þátttaka í mótinu er opin öllum löggiltum bandalögum í leiknum. Keppt verður í 10 manna liðum í sérhönnuðu bardagakerfi með strangar reglur og háan keppnisanda. Fjöldi nýjunga verður kynntur í ár, bæði í reglusetningu, skipaskipan og útsendingarformi.
Dagskrá mótsins í stuttu máli:
11. júlí: Umsóknir opna fyrir lýsendur og „observera“, auk fyrstu úthlutunar aðgangs að Thunderdome-æfingarumhverfinu.
17. júlí: Reglur mótsins kynntar og skráning liða hefst.
25. júlí: Lokadagur liða til að skrá sig.
29. júlí: Skráðir þátttakendur tilkynntir, og hefst þá skipulagning liðsskipana og skráning varamanna.
1. ágúst: Útdráttur fyrir undankeppni og tilkynning um fyrirkomulag hennar.
30.–31. ágúst & 6.–7. september: Undankeppni (feeder round) í beinni útsendingu.
2.–3. október: Lokaskil á liðslistum og val á flaggskipum.
24.–26. október: Aðalmót Alliance Tournament XXI – hápunktur tímabilsins.
Nýjungar í útsendingu – launuð störf í boði
Í fyrsta sinn verða opnar umsóknir fyrir bæði lýsendur og svokallaða observera, sem sjá um kvikmyndatöku í leiknum. Valdir umsækjendur fá launað verkefni með CCP og taka þátt í framleiðslu beinna útsendinga frá sjálfri höfuðstöðinni í Reykjavík. Þetta er einstakt tækifæri fyrir leikmenn með góða leikskilning og sjónræna hugsun.
Liðin fá æfingaaðgang að sérstökum netþjóni, Thunderdome, þar sem þau geta prófað skipanir og bardagaaðferðir án þess að hætta á varanlegu tapi skipa eða búnaðar. Aðgangur að Thunderdome verður opnaður í tveimur bylgjum, með fyrstu lotu 17. júlí.
Verðlaun
Mótið er styrkt af Caldari-ríkinu, og bíða sigurliðanna vegleg verðlaun. Þar á meðal verða sjaldgæf skip, einstök skinn og annað verðmæt herfang sem aðeins fæst með þátttöku í Alliance Tournament.
Bein útsending og samfélagsmiðlar
Allir bardagar í aðalmótinu og hluti undankeppninnar verða sýndir í beinni á Twitch-rás CCP, með íslenskum og enskum lýsendum. Einnig verður hægt að fylgjast með nýjustu tilkynningum í gegnum Discord-rás CCP.
Alliance Tournament XXI verður hápunktur haustsins fyrir bæði leikmenn og áhorfendur í heimi EVE Online – og ekkert lát virðist á bardagaþorsta stærstu bandalaga leiksins.
Nánari upplýsingar um mótið hér.
Myndir: eveonline.com
