Ubisoft hefur opinberað að væntanlegur leikur þeirra, Assassin’s Creed Shadows sem út kemur 20. mars næstkomandi, muni verða ritskoðaður í Japan til að standast kröfur japönsku dómnefndarinnar CERO (Computer Entertainment Rating Organization).
Þrátt fyrir að leikurinn hafi fengið „Z“-flokkun, sem er strangasti flokkur í Japan og aðeins ætlað fullorðnum, hefur CERO krafist þess að tilteknar breytingar verði gerðar á efni leiksins, sérstaklega hvað varðar ofbeldisfulla þætti.
Hvað hefur verið breytt?
- Aflimun fjarlægð: Í óritskoðuðu útgáfu leiksins er möguleiki á að slökkva eða kveikja á aflimun (höfuð eða útlimir), en í japanskri útgáfu verður þessi valmöguleiki fjarlægður. Öll aflimun verður óvirk.
- Framsetning á líkamsleifum: Myndrænar lýsingar á afhöggnum líkamshlutum verða mildaðar til að draga úr áhrifum ofbeldis. Þetta nær til hvernig líkamsleifar birtast í leiknum eftir bardaga.
- Talsetningarbreytingar: Ubisoft hefur einnig staðfest að sumar japanskar talsetningar sem eru hluti af Norður-Ameríku og Evrópuútgáfum verði breyttar í japönsku útgáfunni. Þó er ekki vitað með nákvæmni hvaða breytingar þetta fela í sér.
Viðbrögð leikjaspilara
Þessar breytingar hafa kallað fram mikla gagnrýni frá leikjaspilurum bæði innan og utan Japans. Sumir hafa lýst óánægju sinni með þessar takmarkanir, sérstaklega í ljósi þess að leikurinn er þegar merktur sem eingöngu fyrir fullorðna. Aðrir skilja þó ákvörðun Ubisoft, þar sem fyrirtækið þarf að fylgja ströngum reglum CERO til að tryggja að leikurinn fái að koma á markað í Japan, að því er fram kemur í tilkynningu frá Ubisoft.
Samhengi ritskoðunar í Japan
Þetta er ekki í fyrsta sinn sem alþjóðlegir tölvuleikir þurfa að sæta breytingum til að fylgja japanskri löggjöf. Japönsk stjórnvöld og CERO leggja sérstaka áherslu á að draga úr ofbeldi og myndrænni lýsingu þess í afþreyingarefni, jafnvel í efni sem er eingöngu ætlað fullorðnum. Þetta er hluti af menningarlegum þáttum sem hefur lengi einkennt tölvuleikjaiðnaðinn í Japan.
Ubisoft hefur staðfest að þessar breytingar eigi aðeins við um japanska útgáfu leiksins. Þeir sem vilja spila óritskoðaða útgáfu geta nálgast hana í öðrum heimshlutum. Hins vegar er óvíst hvort japanskir leikjaspilarar geti auðveldlega fengið aðgang að erlendum útgáfum vegna svæðistengdra takmarkana í Japan, skal ósagt látið.
Hægt er að nálgast Pre-puchase á Steam hér.
Mynd: assassinscreed.com
