Eftir margra ára bið, vangaveltur á Discord og klassíska setningin „er þetta dautt eða?“ spjall á samfélagsmiðlum er loksins komið að því. Fruit Mixes snýr aftur og fer nú inn í sitt fjórða tímabil, öllum nördum til mikillar ánægju.
Skráning í TF2 mótið hófst 1. febrúar og stendur til 20. febrúar, en mótið sjálft fer fram dagana 20. til 22. febrúar. Allir eru velkomnir og er lögð sérstök áhersla á að mótið sé aðgengilegt jafnt reynsluboltum sem nýliðum með drauma um clutch-moments og highlight klippur.
Áður en fyrsta umferð hefst verður þátttakendum skipt niður eftir reynslu úr keppnisleikjum, þannig að jafnvægi náist og forðast megi algjört stomp. Þetta er því ekki bara „mix og sjáum hvað gerist“, heldur skipulagt mix þar sem sanngirni og keppnisandi fara saman.
Skráning fer fram á heimasíðu TFArena og er ljóst að áhugasamir ættu ekki að draga það of lengi. Fruit Mixes hefur á undanförnum árum skapað sér ákveðna stöðu sem mót þar sem TF2 samfélagið hittist, spilar og nördar saman, án þess að taka sjálft sig of alvarlega. Nema auðvitað þegar kemur að því að vinna. Þá gildir bara eitt.
Mynd: tfarena.net
