Árleg hátíð leikmanna EVE Online, EVE Fanfest, hófst í gær í Hörpu og stendur nú sem hæst með fjölbreyttri dagskrá sem spannar allt frá tæknilegum nýjungum yfir í framtíðarsýn um þróun EVE-heimsins.
Sjá einnig: EVE Fanfest 2025 hafið með pompi og prakt
Á hátíðinni koma saman spilarar, verktakar, vísindamenn og áhugafólk hvaðanæva að úr heiminum til að fagna einstöku samfélagi leiksins.
Í dag, laugardaginn 3. maí, stendur yfir seinni dagur hátíðarinnar og er hún þéttskipuð. Hér fyrir neðan má sjá yfirlit yfir helstu viðburði dagsins:
10:00 – 10:45
Art of EVE
Sérstök innsýn í síbreytilegt sjónrænt landslag EVE Online. Kynnt eru endurhönnuð geimskip, áhrifamiklar geimsýn og ný kvik sjónræn áhrif sem auka enn á dýpt leikheimsins. Viðburðurinn veitir innsýn í listsköpun og framtíðarsýn í New Eden.
11:00 – 11:45
EVE Vanguard Keynote – From Vision to Reality
Upplifun sem bíður leikmanna í EVE Vanguard þegar leikurinn fer í Early Access. Fjallað er um nýtt inngönguferli fyrir nýliða, fjölbreytt vopnasafn og bardagabúninga, auk nýrra vistkerfa og hernaðarsvæða. Kynnt eru stórar nýjungar og kerfi sem ætlað er að setja ný viðmið í MMO skotleikjaflokknum.
12:30 – 13:45
EVE Legion Keynote
Helstu fréttir og uppfærslur tengdar EVE Legion, þar sem farið er yfir hvernig þessi útvíkkun leikheimins tengist bæði EVE Online og Vanguard. Hér má gera ráð fyrir stórum tilkynningum og dýpri innsýn í taktíska og samfélagslega þætti leiksins.
14:30 – 15:15
EVE Legion – Stronger Organizations Panel
Umræðufundur um öflugar skipulagningarleiðir innan EVE samfélagsins. Fjallað er um hvernig leikmenn geta byggt upp sterkari samtök og nýtt sér ný kerfi til að stýra samvinnu og samkeppni.
15:30 – 16:15
EVE Legion – New Ships Panel
Pallborðsumræður um væntanleg geimskip í leiknum. Þarna gefst einnig tækifæri fyrir gesti til að spyrja spurninga og taka þátt í umræðum um leikjahönnun og væntanlegar breytingar.
16:30 – 17:00
Closing Ceremony
Yfirlit yfir helstu atriði Fanfest 2025 og lauslega stiklað á því sem fram undan er. Þróunarteymi CCP deilir hugsunum sínum með samfélaginu.
Frekari upplýsingar og ítarlega dagskrá má nálgast á vefsíðu CCP hér.
