Deild þeirra bestu í Counter-strike á íslandi, Ljósleiðaradeildin, snýr aftur í september eftir gott sumarfrí.
Counter-strike er einn stærsti rafíþróttaleikur í heimi, og hér á íslandi hefur verið stór og mikil keppnis sena í leiknum í ára tíð.
Íslensk lið fá tækifæri á VRS stigum
Í október 2023 gerður Valve, framleiðendur Counter-Strike, stórar breytingar á keppnis umhverfinu í leiknum, með tilkomu VRS stiga. En þau þjóna þeim tilgangi að greina úr um styrkleika liða á alþjóðavettfangi, og skera úr um hvaða lið fá þátttökurétt í stærri mótum.
Komandi tímabili í Ljósleiðaradeildinni fylgja stórar breytingar, en mót deildarinnar verða þau fyrstu á íslandi sem munu fylgja VRS fyrirkomulagi Valve. En það þýðir að Íslensk lið sem skara fram úr hafa tækifæri að koma sér á Evrópska VRS stiga listann, og þannig opnast tækifæri fyrir þátttöku í stærri erlendum mótum.
Fyrsta Íslenska VRS mótið verður Áskorendamót Ljósleiðarans. En undankeppni mótsins er opin öllum liðum og hefst 8. september. Þar munu lið berjast um 8 laus sæti í aðalhluta mótsins, sem endar á spennandi úrslitakvöldi í Next Level Gaming þann 3. október.
“Við erum mjög spennt fyrir komandi tímabili Ljósleiðaradeildarinnar og innleiðingu VRS. Fyrst og fremst þá snýst þetta um að styðja við metnaðarfull Íslensk lið og hjálpa þeim að brúa bilið frá því að keppa hér innan íslands, og að taka næstu skref í stærri mót erlendis.
En á sama tíma, þá verða mótin styttri og hnitmiðaðari, sem ætti að leiða til meiri spennu og dramatík fyrir áhorfendur deildarinnar,”
segir Bjarki Már, mótastjóri Rafíþróttasambandsins.
Spennandi tímabil framundan
Það verður spennandi að sjá hvernig komandi tímabil og meðfylgjandi mót þróast. Ungt lið Þórs sprakk út á sjónarsviðið og hafnaði í öðru sæti í deildinni og stórmeistaramótinu í vor. Svo var það lið Coolbears sem sigraði HRinginn núna sumar.
En það er spurning hvort að þau eða önnur lið nái að stíga upp og skáka gríðarlega sterku liði Dusty, sem urðu tvöfaldir deildarmeistarar og stórmeistarar á síðasta tímabili Ljósleiðaradeildarinnar.
Allar helstu upplýsingar um mótin er að finna á Facebook síðu Ljósleiðaradeildarinnar. En skráning í undankeppni Áskorendamótsins hefst Þriðjudaginn 25. ágúst næstkomandi.
