GameTíví meistararnir Ólafur Þór Jóelsson og Sverrir Bergmann snúa nú aftur á fornar slóðir. Þátturinn þeirra sívinsæli Game Tíví er kominn á Popptíví, þar sem hann hóf göngu sína upphaflega. GameTíví tístaði í dag “ Fyrsti þátturinn af #GameTíví er dottinn á netið 🙂 Góða skemmtun :D“, en þeir félagar fara yfir allt það nýjasta á sviði tölvuleikja og þetta er því þáttur sem enginn tölvuleikjaunnandi má missa af.
Í þessum fysta þætti gagnrýna Óli og Sverrir leikina Sleeping Dogs og Darksiders 2, þeir heimsækja og dæma 7D bíóið í Skemmtigarðinum, skoða skemmtilegan leik á iPad, birta nýjan topplista yfir 5 verstu ofurhetjuleiki allra tíma ásamt því að skoða Borderlands 2, Call of Duty: Black Ops 2, Far Cry 3, Counter-Strike: Global Offensive, Guild Wars 2, Remember Me, þetta og miklu meira í þættinum sem hægt er að skoða með því að smella hér.
GameTíví er á dagskrá Popptíví á fimmtudagskvöldum klukkan 19.50.
Mynd: Skjáskot úr myndbandi.
