Tölvuleikjaverslunin GAME, sem lengi hefur verið þekkt á breskum smásölumarkaði, hefur hafið uppboð á innanstokksmunum og búnaði úr höfuðstöðvum sínum og aðalvöruhúsi í Basingstoke, eftir að starfsemi þar var hætt. Þetta er liður í áframhaldandi sameining GAME inn í móðurfélagið Frasers Group, sem einnig á verslanirnar House of Fraser og Sports Direct.
Höfuðstöðvar GAME í Basingstoke höfðu verið miðstöð fyrirtækisins í yfir tvo áratugi. Nú eru fjölmargir munir úr skrifstofum, eldhúsum og vöruhúsi boðnir upp á uppboðssíðunni NCM Auctions. Meðal þess sem boðið er upp á eru sjóræningjaskip, borðfótboltaspil og veggplakat með CJ úr Grand Theft Auto: San Andreas. svo fátt eitt sé nefnt.
Þessar breytingar eru hluti af stærri þróun þar sem GAME hefur smám saman misst sjálfstæði sitt og orðið að hluta af Frasers Group. Verslanir GAME hafa víða verið sameinaðar Sports Direct og aðrar verslanir innan samsteypunnar. Þetta hefur leitt til lokunar margra verslana, uppsagna starfsfólks og breytinga á vöruúrvali, þar sem áhersla hefur færst frá tölvuleikjum yfir í leikföng.
Þrátt fyrir að vörumerkið GAME sé enn til staðar, hefur það að mestu leyti verið innlimað í aðrar verslanir Frasers Group. Þjónusta eins og forpantanir í verslunum hefur verið hætt, og áður útgefnar upplýsingar á vefsíðu fyrirtækisins um slíka þjónustu eru ekki lengur í gildi.
Þessar breytingar endurspegla breytt landslag í smásölu tölvuleikja, þar sem hefðbundnar verslanir eiga erfitt uppdráttar í samkeppni við netverslanir og breytta neysluhegðun viðskiptavina.
Hægt er að skoða allt sem er til sölu með því að smella hér.
Myndir: ncmauctions.co.uk
