Sunnudaginn 21. september verður stigið á svið í öðru móti af fjórum í GameTíví deildinni í tölveiknum PUBG: Battlegrounds. Skráning er þegar hafin og stefnan er sett á fjölmennara mót, fleiri lið og meira fjör en í upphafsmótinu. Það er heldur ekki of seint fyrir ný lið að stökkva inn í slaginn núna, því enn er nægur fjöldi stiga í boði til að tryggja sér sæti í úrslitakeppninni.
Deildarkeppnarkvöldin eru fjögur talsins, þar sem hvert kvöld býður upp á sex leiki:
21. september (kl. 20:00 – 6 leikir)
12. október (kl. 20:00 – 6 leikir)
02. nóvember (kl. 20:00 – 6 leikir)
Það sem gerir fyrirkomulagið einstaklega spennandi er að lið eru ekki bundin til að taka þátt í öllum kvöldunum. Þau geta valið sér eitt, tvö, þrjú eða öll fjögur – algjör nördaleg freisting fyrir þá sem vilja stilla upp taktíkinni eftir eigin höfði.
Stigakerfið er einfalt en fyrirframákveðin stig reiknast út frá lokasæti hvers liðs á hverju móti, óháð heildarárangri þess innan kvöldsins. Þessi stig safnast bæði upp í Deildarmeistaratitilinn og í heildarstigatöflu deildarkeppninnar. Þaðan munu 16 efstu liðin tryggja sér sæti í úrslitunum, eða Íslandsmótinu, sem verður haldið dagana:
6. desember (kl. 20:00 – 6 leikir)
7. desember (kl. 20:00 – 6 leikir)
Það er því ljóst að keppnin fer sífellt að hitna. Fyrstu stig hafa þegar verið skráð á töfluna, en það eru næg tækifæri eftir fyrir lið sem ætla sér að leggja krúnuna undir jólatréð.
Skráning er í fullum gangi á heimasíðu mótsins hér.
