Í kvöld klukkan 20:00 fer GameTíví í beina útsendingu á Twitch-rásinni sinni þar sem spilaður verður nýi íslenski húmorleikurinn Walk of Life.
Leikurinn er litrík og teiknimyndaleg upplifun þar sem daglegt líf fær óvæntan og bráðfyndinn snúning. Það er ekkert venjulegt við þessa göngu um lífið, því hér þarf að forðast farartæki, fugla og ýmsar óvæntar hindranir sem láta mann efast um allt sem maður taldi sjálfsagt.
GameTíVí lofar líflegri og sprenghlægilegri útsendingu þar sem áhorfendur geta fylgst með liði þáttastjórnenda takast á við áskoranir dagsins og reyna að halda jafnvæginu, bókstaflega.
Útsendingin hefst í kvöld kl. 20:00 á www.twitch.tv/gametiviis
