Counter-Strike clanið Hate var stofnað árið 1999 þegar beta 3 af CS kom út. Stofn meðlimirnir voru einungis þrír, Memnoch, Taltos og Nazgûl. Fljótlega vatt clanið upp á sig og við bættist fjöldinn allur af góðum spilurum, en þetta kemur fram í fréttatilkynningu frá Hate á vefsíðu þeirra. Hate varð fljótt risi í íslenska CS heiminum og var mjög fyrirferðamikið á Skjálftamótum ofl., en þegar mest voru yfir 50 meðlimir í Hate.
Þegar Hate hætti keppni árið 2001 þá tvístraðist hópurinn í hina ýmsa leiki og þegar Star Wars: The Old Republic (SW:ToR) kom út, þá byrjaði stór kjarni úr gamla Hate í leiknum SW:ToR og voru um 100 spilarar í Hate guildinu, en áhugi spilara féll óvenjuhratt í SW:ToR.
Hate ætlar að fara í Guild Wars 2 þegar hann kemur út og reyna að halda saman þeim hópi sem saman var kominn til að spila SW:ToR enda sjaldséð að vera með 100 meðlima guild í MMO leik sem samanstendur einungis af íslendingum, segir enn fremur í fréttatilkynningu Hate og hvetur alla þá sem áhuga á að vera með, að skrá sig á spjallborði þeirra og sækja um.
Mynd: Samsett mynd
Fylgstu með eSports.is á facebook hér.
