Mynd: Wikimedia Commons / Simon Walker / No 10 Downing Street (OGL v3.0)
Krónprinsinn Múhameð bin Salman, stundum kallaður MbS, hefur verið skipaður formaður stjórnarnefndar Esports World Cup Foundation til næstu þriggja ára. Í tilkynningu kemur fram að ákvörðunin var tekin á ríkisstjórnarfundi í Riyadh nú á dögunum og undirstrikar vaxandi áhrif Sádí-Arabíu í alþjóðlegu rafíþróttaumhverfi.
Stofnunin hefur haldið því fram að hún sé sjálfstæð í rekstri þrátt fyrir fjárstuðning frá Public Investment Fund. Skipun krónprinsins dregur þó í efa aðskilnaðinn, enda situr hann jafnframt í forsvari fyrir Savvy Games Group sem er í eigu sama sjóðs. Savvy Games Group á meðal annars ESL FACEIT Group og heldur utan um stærstu mót heims í Counter-Strike 2, Dota 2 og fleiri leikjum.
Skipunin styrkir markmið krónprinsins um að gera Sádí-Arabíu að miðpunkti rafíþrótta á heimsvísu. Um leið vekur hún upp áleitnar spurningar um gagnsæi og pólitísk tengsl, þar sem gagnrýnendur hafa lengi bent á að fjárfestingar Sádí-Arabíu í íþróttum og rafíþróttum séu hluti af svokölluðu „sportswashing“ í ljósi mannréttindabrota og deilna á alþjóðavettvangi.
Esports World Cup er þegar orðin einn stærsti árlegi viðburður rafíþrótta, haldinn í Riyadh með fjölmörgum alþjóðlegum liðunum og milljónum áhorfenda víða um heim. Með nýju hlutverki krónprinsins er ljóst að Sádí-Arabía hyggst festa sess sinn enn frekar í fremstu röð rafíþrótta.
