Valve hefur gefið út nýja uppfærslu í Counter-Strike 2 sem hefur hrist upp í bæði leiknum og markaðnum í kringum hann.
Nýja viðbótin við Trade Up Contract kerfið gerir leikmönnum nú kleift að skipta fimm Covert vopnum í einn hníf eða hanska. Hljómar saklaust, en þessi einfalda breyting setur af stað fjármálahrun í skins hagkerfi leiksins. Samkvæmt Pricempire lækkaði markaðsvirði Counter-Strike-skinna um meira en tvo milljarða dollara á örfáum klukkustundum, þar sem ein dýrasta eign leikmanna breyttist í skraut án sérstöðu.
Samfélagsmiðlar loga af viðbrögðum. Sumir fagna breytingunni og segja að Valve hafi „endurfært hnífinn til fólksins“, en aðrir gráta yfir því að sjá safnverðmæti sín gufað upp. Þekktir viðskiptareikningar á Steam hafa þegar tapað tugþúsundum dollara á einni nóttu.
Uppfærslan felur einnig í sér ýmsar tæknilegar lagfæringar og nýja spilunarstillingu, Retakes, sem nú verður hluti af matchmaking. Þá hafa kortin Golden, Palacio og Rooftop verið uppfærð í nýjustu útgáfu sína, og Inferno fengið smávægilegar breytingar á svæðum eins og undir svölum og efst á Quad til að bæta sýnileika.
Þó flestir leikmenn fagna nýrri spilunarstillingu og betri afköstum, hefur þessi „smávægilega“ breyting á samningskerfinu orðið til þess að hrista upp í heilu vistkerfi. Einn leikmaður á Reddit orðaði það svo: „Ég loggaði inn til að prófa Retakes, en loggaði út með helmingi minna safn.“
Valve hefur ekki enn gefið út neina opinbera yfirlýsingu um áætlaðar leiðréttingar á áhrifum uppfærslunnar, en ljóst er að þetta telst eitt stærsta efnahagslega högg í sögu Counter-Strike.
Myndir: Steam
