Formúlu 1 heimsmeistarinn Max Verstappen vakti athygli á nýju samstarfi Red Bull við rafíþróttaliðið Team Falcons þegar hann sýndi sig með sérmerktum treyju liðsins á Mónakó Grand Prix um síðastliðna helgi. Þetta samstarf markar nýjan kafla í stækkandi viðveru Red Bull í rafíþróttaheiminum.
Team Falcons, sem stofnað var árið 2017 í Sádi-Arabíu, hefur vaxið hratt og keppir nú í mörgum greinum rafíþrótta, þar á meðal Counter-Strike 2, PUBG, Dota 2, Valorant og Apex Legends. Liðið hefur áður unnið með Red Bull, meðal annars þegar Falcons Vega sigraði á keppninni Instalock 2025 sem að Red Bull styrktu fyrr í maí.
Samstarfið var kynnt með tilkynningu á samfélagsmiðlum Team Falcons, þar sem sagt var:
„The Falcon has doubled its Wings. Falcons X Red Bull.“
!The Falcon has doubled its Wings
Falcons X Red Bull🦅⚡ Welcome Red Bull to the Falcons Flock
— طاقة استثنائية وخطوة جديدة، نُعلن رسميًا شراكتنا مع ريد بُل كراعي جديد💚#FalconsAreHere #RedBullGivesYouWiiings pic.twitter.com/lcaWzORXPS
— Team Falcons (@TeamFalconsGG) May 27, 2025
Þetta bendir til þess að Red Bull verði sýnilegur styrktaraðili liðsins, meðal annars með merkingum á treyjum. Samstarfið bætist við núverandi styrktaraðila Team Falcons, þar á meðal NEO Digital Banking, Manga Productions, STC Group og Kudu Saudi Arabia.
Max Verstappen er ekki ókunnugur rafíþróttum. Hann er virkur þátttakandi í Team Redline, sem er eitt af fremstu sim-racing liðum heims. Verstappen hefur einnig tekið þátt í öðrum rafíþróttum og nýverið spilaði hann Fortnite með YouTuber-inum Lachlan.
Þetta nýja samstarf Red Bull og Team Falcons undirstrikar vaxandi tengsl milli hefðbundinna íþrótta og rafíþrótta, þar sem stór nöfn úr báðum heimum koma saman til að skapa nýja möguleika fyrir aðdáendur og iðkendur.
Mynd: x.com / Team Falcons
