Astralis, eitt þekktasta nafn heims í Counter-Strike, hefur gengið í gegnum tímamót. Félagið sem heldur utan um hið goðsagnakennda lið var nýlega keypt af Fusion Esports Group, danskur fjárfestahópur sem setur stefnuna hátt.
Að hópnum standa Jakob Lund Kristensen og Jonas Gundersen. Jakob er ekki ókunnugur sviðsljósinu, en hann er meðstofnandi bæði Astralis og BLAST og hefur yfir áratugarreynslu í rafíþróttum. Jonas, sem áður keppti sjálfur sem atvinnumaður, kemur inn með alþjóðlega innsýn og var nýverið framkvæmdastjóri hjá Ninjas in Pyjamas, sem fór á markað hjá Nasdaq á síðasta ári.
Með í fjárfestahópnum eru einnig frumkvöðlar á borð við Sander Janca (Flatpay), Thorbjørn Rønje (Bifrost Studios) og Sebastian Seilund (Userflow), svo fátt eitt sé nefnt.
Jakob Lund Kristensen segir í tilkynningu:
„Astralis er eitt stærsta vörumerki rafíþrótta, með gífurleg áhrif á heila kynslóð danskra leikjaspilara. Enn er gríðarlegt tækifæri til staðar, bæði í viðskiptum og í keppni. Við erum að byggja upp nýtt Astralis með ferska orku og nýjum aðferðum, en áfram með áherslu á frammistöðu.
Fyrsti leikurinn er nú þegar á föstudag með nýjum leikmanni, og þolinmæði er lykilatriði, en okkar forgangur er ávallt að skapa leikmönnum bestu mögulegu skilyrði til að ná árangri til lengri tíma.“
Jonas Gundersen tekur í sama streng:
„Með Astralis komst Counter-Strike úr kjallara LAN-senunnar yfir í alþjóðlegt svið þar sem milljónir fylgjast með. Þetta er frábær arfleið og saga sem fellur fullkomlega að sýn Fusion, sem hér fer í sína fyrstu yfirtöku.
Leikjaiðnaðurinn heldur áfram að vaxa og við trúum því að næsta vaxtarskeið lyfti allri greininni upp á nýjar hæðir.“
Astralis sitja nú í 13. sæti heimslistans, en liðið hefur áður náð toppsætinu og á sínum tíma talið eitt besta Counter-Strike lið allra tíma.
Mynd: aðsend / Astralis.gg
