Þrátt fyrir að Nintendo Switch 2 sé væntanleg í verslanir þann 5. júní 2025, hafa flökkusögur og orðrómur um næstu kynslóð leikhugbúnaðar, Switch 3, þegar farið að birtast.
Samkvæmt grein frá Polygon hefur John Vinh, sérfræðingur hjá KeyBanc Capital Markets, gefið í skyn að Intel gæti verið að vinna að örgjörva fyrir Switch 3 með notkun á nýjustu 18A sem er ný kynslóð örflögutækni.
Intel 18A tækni er sögð bjóða upp á verulegar framfarir í afköstum, orkunýtingu og möguleikum á framtíðarþróun. Þetta gæti þýtt að Switch 3 verði með mun öflugri grafík og betri afköstum en forverar hennar. Þó hefur hvorki Intel né Nintendo staðfest þessar upplýsingar opinberlega.
Þessi orðrómur kemur á sama tíma og áhugi á Switch 2 er að ná hámarki. Switch 2 verður dýrasta leikjatölva Nintendo til þessa, með upphafsverð á $449,99 og sérstaka útgáfu með Mario Kart World á $499,99. Þrátt fyrir háan verðmiða er búist við að Switch 2 muni seljast í milljónatali, með áætlaða birgðaupphæð á milli 6 og 8 milljóna eintaka við upphaf.
Þó að Switch 2 sé enn ekki komin á markað, sýnir þetta hversu hratt tæknigeirinn þróast og hvernig áhugi neytenda beinist strax að næstu nýjungum. Það verður áhugavert að fylgjast með hvernig þessar sögusagnir þróast og hvort þær muni hafa áhrif á væntingar og eftirspurn eftir Switch 2.
Mynd: nintendo.com (talan þrír var photoshoppuð af fréttamanni esports.is)
